Яшел Үзән

Татарстанда минус 1 градуска кадәр кискен җылыну көтелә

Татарстанда атна дәвамында кискен җылыну көтелә, дип хәбәр итәләр ТР гидрометеоүзәгендә.

Иртәгә, 19 гыйнварда, циклон йогынтысында шулай ук кар һәм буран булачак, төнлә секундына 17 метрга кадәр тизлектәге көчле көньяк җил белән, төнлә һава температурасы 3-8 градустан түбәнрәк, көндез — минус 1 градуска кадәр.

Пәнҗешәмбе, 20 гыйнварда, урыны белән бераз кар саклана. Төнлә 6-11 градус, көндез 3-8 градустан түбәнрәк.

Синоптикларның алдан фаразлавы буенча, җомга, 21 гыйнварда, кар көн азагында һәм кичен, нигездә, республиканың көнбатыш районнарында гына көтелә.

Шимбә көнне, 22 гыйнварда, бөтен җирдә кар явачак, буран һәм көчле җил фаразлана. Температура 21 һәм 22 гыйнварда төнлә -9дан -14 градуска, аязганда -19 градуска, көндез -6 градуска кадәр суык булуы көтелә.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: