Яшел Үзән

Татарстанда койма яңгырлар һәм көчле җил аркасында шторм кисәтү игълан ителде

Иртәгә, 4 августта, Татарстан территориясендә һава шартларының көчле начарлануы көтелә. ТР Гидрометеорология һәм әйләнә-тирә мохитне күзәтү идарәсе шторм кисәтүне таратты.

3 августта 22 сәгатьтән 4 августта 22 сәгатькә кадәр төнлә һәм көндез, урыны белән республикада яңгыр һәм яшенле яңгыр көтелә, шулай ук җилнең тизлеге секундына 17-22 метрга кадәр, локаль — 25 метрга кадәр җитәргә мөмкин, дип билгеләп үтә синоптиклар.

Чәршәмбе көнне Татарстанның көнчыгышында көчле эсселек көтелә, көндез +32дән +37 градуска кадәр. Республика көнбатышында салкынрак - 25-28 градус, көньякта-29-32 градуска кадәр.

Метеорологлар мәгълүматларына караганда, һава шартларының начараюы «төньяк-көнбатыш циклонының актив атмосфера фронты» узуга бәйле булачак.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: