Яшел Үзән

Рөстәм Миңнеханов үзенең Instagramда Казан хосписы ролигын тәкъдим итте һәм аңа ничек ярдәм итәргә кирәклеген искәртте

Татарстан Президенты Рөстәм Миңнеханов Instagram социаль челтәрендәге үз битендә Казан хосписы турында ролик урнаштырды.

«Бу авыр, әмма бу хакта белергә кирәк", – дип язган ул видео астына.

Татарстанлыларга Казанда балалар хосписын булдыру тарихы яхшы билгеле. Владимир Вавиловка күп сынаулар узарга туры килә — якыннарын югалтып, ул үз тормышын авыручы кешеләргә багышларга була. Һәм хоспис булдырган.

"Хоспис - ул үлем турында түгел, ә ахыргача лаеклы тормыш турында», — дип аңлатты хоспис фәлсәфәсен Вавилов.

Проект хосусый-дәүләт партнерлыгы буларак тормышка ашырыла. Димәк, аны тормышка ашыруда дәүләт, предприятиеләр, эшмәкәрләр һәм битараф булмаган кешеләр ярдәм итә.

Фондка теләсә нинди ярдәм мөһим. Акча да — хәзер икенче хоспис төзелә, шуңа күрә һәр тиен исәптә, мораль яктан да — бирегә волонтерлар, клоуннар, артистлар еш килә.

Казан хосписында үлем диагнозы булган кешеләргә ярдәм итүнең иң мөһиме - кайгыртучанлык һәм кешелеклелек. Шуңа күрә, шушы йортка гади кешеләрнең ярдәм итүе дә бик мөһим.

Хосписка ничек ярдәм итәргә, социаль челтәрләрдә һәм аның сайтында белергә була.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: