Яшел Үзән

Михаил Афанасьев Мирный микрорайонында төзелә торган мәктәпкә керү юллары төзелеше барышын тикшерде

Объект төзелеше бу елның гыйнварында башланды.

1224 урынга исәпләнгән яңа мәктәп - соңгы 30 елда шәһәрдә беренче мәктәп. Бинаның мәйданы 25 мең кв. м., территория-28 мең кв.м. учреждениегә керү юлларын төзекләндерү, шулай ук инженерлык системаларын салу дәвам итә.

Эшләр барышын бүген Яшел Үзән районы башлыгы Михаил Афанасьев тикшерде.
- Хезмәттәшләрем, эшнең һәр этабы буенча мин нәтиҗәләр күрәм, без график буенча барабыз, территорияне төзекләндерү мәсьәләләрен аерым эшләүне сорыйм, - диде Афанасьев.

‼️‼️Биредә берничә уен һәм спорт мәйданчыгы, чәчәк бакчасы, автомобиль һәм велопарковкалар булачак. Проект буенча ике бассейн, 560 урынлык актлар залы, 450 кешелек ашханә, уңайлы мохит һәм заманча интерактив технологияләр планлаштырылган.

Ломоносов исемен йөртүче 18-нче номерлы күппрофильле лицей төзелешен июль аенда тәмамларга планлаштыралар, ә 1-нче сентябрьдә биредә беренче кыңгырау чыңлаячак.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: