Яшел Үзән

Завод үзенекеләргә йорт салып бирә

З0 августта, Яшел Үзән суднолар төзү заводы Республика көненә багышлап, торак йортка нигез ташы салу тантанасын үткәрде.

Бу йорт «Кызыл металлист» торак комп­лексының чираттагы йорты. Биш катлы, дүрт подъездлы йорт 70 гаиләне бәхетле итәчәк. Чөнки бу йортлар махсус завод эшчеләре өчен салына.
Моңа кадәр ике йорт төзелде инде, монысы - өченчесе. Беренчесе, Фрунзе урамындагысы 10 катлысы, 2013 елда файдалануга тапшырылды. Икенчесе дә узган ел кулланышка бирелде. Квартирлар чиста, күчен дә яшә генә!
«Кызыл металлист» торак комплексы 10 йорттан торачак. 6сы - 10, 4се биш катлы булачак. Әлеге комплекс тулысынча 2030 елда төзелеп бетәчәк, ди завод җитәкчелеге. Квартирлар завод эшче-хезмәткәрләренә заводта 10 ел эшләү һәм 15 ел дәвамында сатып алу хокукы белән аренда килешүе буенча бирелә.
Ничек кенә булмасын, иң мөһиме - фатирлы булу. Ә ун ел кеше гомере өчен шактый вакыт булып исәпләнсә дә, бу инде бер банктан икенчесенә күчеп, кредитлар җыеп, бурычка батып яшәү түгел.
Радик Сафиуллин.
Фото завод сайтыннан алынды.

Нравится
Поделиться:
Реклама
Комментарии (0)
Осталось символов: