Яшел Үзән

ЮХИДИ хезмәткәрләре мөрәҗәгать белән чыкты

Дәүләт автоинспекциясе Казанның машина йөртүчеләренә мөрәҗәгать белән чыкты. Республикада һава торышы бозылу сәбәпле, шушы берничә көндә юлларда аеруча игътибарлы булырга кирәк, ди ЮХИДИ хезмәткәрләре.

Синоптиклар фаразлавынча, Татарстанда һәм аның башкаласында юеш кар ява, көчле җил исә. Юлларда бозлавык һәм кар көртләре пәйда булырга мөмкин. Шуңа да машина йөртүчеләргә тизлекне сәгатенә 40 чакрымнан да арттырырга киңәш ителми. Югары тизлек һәлакәткә сәбәп булырга мөмкин, диелә. Шулай ук алдагы һәм яндагы транспорт чаралары белән тиешле араны да сакларга кирәк. Ә җәяүле кичүенә, юл чатларына, тукталышларга якынлашканда аеруча игътибарлы булырга кирәк, диелә мөрәҗәгатьтә.


Һава торышы тагын да ныграк көйсезләнгәндә шәхси транспортны калдырып, җәмәгать транспортына күчеп утыру яхшырак булачак, дип тә искәртелә.

Чыганак - интертат.ру.

Следите за самым важным и интересным в Telegram-канале Татмедиа


Нравится
Поделиться:
Реклама
Комментарии (0)
Осталось символов: