Яшел Үзән

Яшел Үзәннең иң яшь балалар бакчасында чыгарылыш кичәсе

Яшел Үзәндә әле 2016нчы елда гына ачылган “Гөлбакча” балалар бакчасы инде икенче тапкыр бәләкәчләрен олы тормыш юлына – мәктәпкә озатты.

Мөселман һәм татар гаиләләрендә тәрбияләнүче сабыйлар өчен биредә бөтен шартлар да тудырылган. Татар, рус теле белән беррәттән гарәп, инглиз теле дә укытыла, балалар белән логопед та шөгыльләнә. Ә иң мөһиме бәләкәчләр нәни чактан ук әхлак, әдәп, дини тәрбия нигезләренә төшенеп үсә. 
Узган ел “Гөлбакча” белән 4 бала гына хушлашса, быел 7 малай-кыз тәрбияче апаларына рәхмәт сүзләрен җиткереп, әти-әниләре алдында өйрәнгән сәләтләрен дә күрсәтте. Балаларга изге теләкләрен район мөхтәсибе Габделхәмит хәзрәт Зиннәтуллин да җиткерде. Ә иганәче Әнвәр Миңнуллин бүләк итеп букчалар тапшырды. Хәерле сәгатьтә!


Автор фотолары.

Нравится
Поделиться:
Реклама
Комментарии (0)
Осталось символов: