Яшел Үзән

Яшел Үзәндә Татарстан халыклары Дуслыгы Йорты барлыкка киләчәк

Бу хакта Яшел Үзән районындаТуган телләр һәм Халыклар бердәмлеге елын ачу тантанасында билгеле булды.

 Горький исемендәге мәдәни үзәктә узган чарада район башлыгы, Яшел Үзән мэры Михаил Афанасьев, Татарстан Халыклары ассамблеясе Советы башкарма комитеты җитәкчесе Константин Яковлев, Татарстан Халыклар дуслыгы йорты директоры Ирек Шәрипов, Яшел Үзән округы благочинные протоиерей Святослав, шәһәр һәм район мөхтәсибе Габделхәмит хәзрәт Зиннәтуллин катнашты.

Кунаклар Яшел Үзән районында һәм Яшел Үзән шәһәрендә яшәүче халыкларның кул эшләре күргәзмәсен карады, аннары залга узды, анда "Туганлык - байлыктан кыйммәтрәк"дигән концерт барды.

Михаил Афанасьев катнашучыларны сәламләде һәм Яшел Үзән шәһәрендә һәм Яшел Үзән районында бер-берләренең мәдәниятен, гореф-гадәтләрен хөрмәт итүче дистәләгән халыклар дус һәм тату яши, дип билгеләп үтте. "Татарстан һәрвакыт барлык милләтләргә карата яхшы мөнәсәбәте белән дан тотты һәм без искәрмә түгел. Сезне туган телләр һәм Халыклар бердәмлеге елы ачылу белән котлыйм, бары тик бергә генә без көчле!"- дип өстәде Яшел Үзән мэры.

"Бу безнең үткәнебезне һәм гореф - гадәтләребезне тагын бер кат искә алу мөмкинлеге", - диде Константин Яковлев, бүгенге чара турында сөйләгәндә. - "Ата-бабаларыбыз калдырган нәрсәләрне без хәзерге буынга күрсәтергә һәм югарырак дәрәҗәгә күтәрергә тиеш. Яшел Үзәндә без балаларның халыкларның традицияләрен һәм гореф-гадәтләрен саклап калырга тырышуларын күрдек".

Ирек Шәрипов сүзләренә караганда, дәүләт милли сәясәтен гамәлгә ашыру кирәкле инфраструктура булуны таләп итә. "Яшел Үзәндә Халыклар дуслыгы йортының барлыкка килүе - бу юнәлеш буенча эш. Бу хакимият органнары һәм иҗтимагый берләшмәләрнең үзара хезмәттәшлеге өчен мондый мәйданчык, дуслык йортларының нәкъ менә шунда роле. Без көтәбез. - Яшел Үзәндә боларның барысы да булачак. Бүген дә район дәүләт милли сәясәтен гамәлгә ашыру буенча иң яхшы позицияләрнең берсе булып тора", - диде Татарстан халыклары Дуслыгы йорты директоры.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: