Яшел Үзән

Яшел Үзәндә соңгы 30 елга беренче яңа мәктәп төзеләчәк

Яшел Үзәннең Мирный микрорайонында 1224 урынлык яңа мәктәп һәм 260 урынлы балалар бакчасы пәйда булачак.

Бу хакта район һәм дүртенче чакырылыш шәһәр советының бишенче уртак сессиясендә район башлыгы Михаил Афанасьев хәбәр итте.

«Мирный микрорайонында 50 меңгә якын кеше яши, 1224 урынлы мәктәп һәм 260 урынлы балалар бакчасы төзелеше өчен җир кишәрлеге билгеләнгән», - дип билгеләп үтте спикер.

Ул ассызыклаганча, шәһәрдә инде 30 елдан артык бер генә мәктәп тә төзелмәгән, ә аларга ихтыяҗ арта бара.

ТР Мәгариф һәм фән министрлыгы матбугат хезмәте

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: