Яшел Үзән

Яшел Үзән районында 700нче бала туды

Кызга Алисә дип исем кушканнар. Ул 13 сентябрьдә туган, авырлыгы - 3400 грамм, буе - 54 см.

Петуховларның яшь гаиләсендә Георгий улларына өч яшь ярым, ә хәзер кызлы да булдылар. Кызның әнисе Мария 7нче мәктәптә укытучы, ә әтисе Егор Горький исемендәге заводта эшли. Оныкны каршы алырга бабасы белән әби дә килгән иде.

Бәхетле ата-аналарны район башкарма комитеты җитәкчесе урынбасары Денис Лулаков котлады.

-Район җитәкчелеге Михаил Павлович Афанасьев, шәхсән үз исемемнән бәхетле көнегез белән котлыйм! Сәламәт булыгыз, гаилә бәхете телим. Һәм сезне киләчәктә бала тудыру йортында кабат күрергә телибез. Өченчесенә дә килерсез, ә аның өчен сезгә җир участогы да бирелергә тиеш, - дип билгеләде Денис Владиславович.
ТАССРның йөз еллыгын бәйрәм итү кысаларында гаиләгә юбилей истәлек медале, шулай ук район хакимиятеннән чәчәкләр һәм бүләкләр тапшырылды.

Бала тудыру йортының медперсоналы әти-әниләренә туу турында таныклык һәм чәчәкләр тапшырды, сабыйга ныклы сәламәтлек теләде.
- Хәзер сигез йөзенче баланы көтәбез, һәм никадәр тизрәк булса, шулкадәр яхшырак, - диде Яшел Үзән үзәк хастаханәсе баш табибы урынбасары Вера Никифорова.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: