Яшел Үзән

Яшел Үзән районы башлыгы инвалид бала тәрбияләүчеләр белән очрашты

Муниципаль район башлыгы Александр Тыгин Горький исемендәге мәдәният үзәгендә инвалид бала тәрбияләүче әти-әниләр белән очрашты. Хәзерге вакытта районда 520 инвалид бала тәрбияләнә. Инвалид бала тәрбияләүче әти-әниләр халыкка социаль ярдәм күрсәтү бүлеге хезмәткәрләре белән даими аралашып, киңәш-табыш итеп торса да, район башлыгы белән күптән очрашканы юк иде, шуңа күрә айлар-еллар дәвамында...

Муниципаль район башлыгы Александр Тыгин Горький исемендәге мәдәният үзәгендә инвалид бала тәрбияләүче әти-әниләр белән очрашты.

Хәзерге вакытта районда 520 инвалид бала тәрбияләнә. Инвалид бала тәрбияләүче әти-әниләр халыкка социаль ярдәм күрсәтү бүлеге хезмәткәрләре белән даими аралашып, киңәш-табыш итеп торса да, район башлыгы белән күптән очрашканы юк иде, шуңа күрә айлар-еллар дәвамында эчкә җыелып килгән моң-зарны рәхәтләнеп түктеләр, ярдәм кулы сузарга әзер җитәкче булганга күрә, күңелләрен тырнап торган байтак четерекле мәсьәләне уртага чыгарып салдылар.

Дөресен әйтергә кирәк, инвалид бала тәрбияләүче әниләрне күп нәрсә борчый. Инвалидларга юлда йөрергә, төрле учреждениеләргә тоткарлыксыз керергә җайлы булсын өчен махсус эшләнгән "Уңайлы мохит" программасының бик үк уңайлы булмавын алар бик яхшы белә. Юлларга кагылганы бигрәк тә. Әйтик, Мирныйның Комаров урамы, Төзүчеләр проспекты коляскадагы инвалид бала белән йөрергә җайсыз. Коляска белән юл аркылы чыкканда тротуардан юлга "сикереп" төшәргә һәм киресенчә текә тротуарга менәргә туры килә. Моны үз башыннан кичергәннәр генә аңлый.

-Өч ел элек без "Уңайлы мохит" программасын, гомумән, телгә алганыбыз да юк иде, ә хәзер аның тагын да җайлырак-уңайлырак булуын телибез. Бу гадәти хәл, - дип сөйли район башлыгы Александр Тыгин. - Юлларны проектлаганда, төзегәндә үк төзүчеләр бу программаны күздә тотып эш итәргә тиеш. "Уңайлы мохит" программасы буенча юлларны инвалидлар йөрерлек итеп рәтләгән идек, әмма кул тимәгән урыннар да калган икән.

Поликлиникаларда чиратның озын булуына да зарланды әниләр. Дөрес, инвалид баласы белән килүчене табиб чиратсыз кабул итә-итүен, ә дару яздырып алу өчен, башка авырулар кебек үк, сәгатьләр буе чиратта торырга туры килә. Невропатолог кебек тар белгечләрнең дә поликлиникаларда булмавы мәгълүм булды очрашу барышында. Эпилептологлар бөтенләй дә юк, ә районда 50ләп бала нәкъ менә эпилепсия белән авырый. Әниләр фикеренчә, эпилептологны, авыру баланы күрсәтү һәм кирәкле даруларны яздырып алу өчен, аена берничә мәртәбә бүтән шәһәрдән дә чакыртырга мөмкин.

Инвалид баланы поликлиникага, мәдәният учакларында яисә инвалидлар үзәгендә оештырыла торган махсус занятиеләргә алып бару да проблема. Бу җәһәттән, бюджет акчасына инвалидларны йөртергә яраклы махсус автобус сатып алырга кирәк дигән фикер, әниләрнең күңеленә сары май булып ятты, бер юаныч булды, димәк, киләчәктә аларны поликлиникага махсус уңайлы транспорт алып килер һәм өенә кайтарып куяр.

Инвалид баланы, бигрәк тә эпилепсиядән интегүчеләрне 2-3 сәгатькә калдырып тору проблемасы да күтәрелде очрашуда. Үтә катлаулы һәм бик җаваплы бу эшне әби-бабайга тапшырып булмый, ә менә, билгеле бер бәягә, медицина хезмәткәрен яисә медицина колледжының югары курс студентын чакыртырга мөмкин. Волонтерларны да җәлеп итәргә ярый. Һәрхәлдә, бу эшне уртак тырышлык белән хәл итәргә була.

Инвалид бала тәрбияләүче гаиләләрнең күбесе бөтен уңайлыклары, баланы даими рәвештә саф һавада йөртергә җайлы зур булмаган җир кишәрлеге булган үз өе турында хыяллана, билгеле. Бу хыял күктән йолдыз алып төшүгә тиң, әмма тамчы тама-тама ташны тишә ди. Ни генә булмасын, инвалид бала тәрбияләүче әниләрнең буй җитмәслек шундый зур хыялын чиновникларның ишетеп-белеп торуы хәерле.

Башлык белән очрашуга килгән әти-әниләрнең бетми торган борчу-хәсрәтен ТР Дәүләт Советы депутаты Валентин Кострин, шәһәр башкарма комитеты җитәкчесе Александр Кияшко, район башкарма комитеты җитәкчесе урынбасары Ринат Җаббаров, үзәк район дәваханәсе баш табибы Илгиз Һидиятов, халыкка социаль хезмәт күрсәтү бүлеге мөдире Зөһрә Бурдина, башкарма комитетның бүтән җаваплы хезмәткәрләре дә тыңлады. Ике як өчен дә файдалы булган мондый очрашуларны алга таба даими оештырырга кирәк дигән фикергә килделәр.

Әлифел Таразова.

Нравится
Поделиться:
Реклама
Комментарии (0)
Реклама
  • 23 октября 2017 в 14:24
    Защити себя!
  • Сез үз тормышыгыз белән канәгатьме?
    Проголосовало 54 человек
  • Авыр атлетлар кабат Яшел Үзәндә
  • Бакырчыда каз өмәсе
  • Яшел Үзән полициясе бәйрәм итте (ФОТОРЕПОРТАЖ)
  • Газовикларның риск зонасына васильеволылар да эләгә
  • Безнең кораблар Гарәп диңгезен иңли башлады
  • Маякта йозлэгэн казый жыелды. Нэрсэ булган???
  • МЕТЕОРда балалар өчен оештырылган ярыш
  • Юныс Сафиуллин белән очрашу кичәсе
  • 11 декабря 2017 в 14:29
    “Полукамушкалар” – милли мирасыбыз
    ТР Мәдәният министрлыгы боерыгы нигезендә Яшел Үзәндә “Француз акционерлык җәмгыяте”  заводының 1898 – 1900 елларда төзелгән торак йортлары  РФ халыкларының  мәдәни мирасы объектлары  реестрына кертелгән.
    45
    0
    0
  • 1 ноября 2017 в 10:53
    БЕЗ СЕЗНЕ КӨТӘБЕЗ! Белдерүләрегезне 5-67-02 телефоны аша яки Гоголь ур, 23а йортына килеп калдыра аласыз.
  • 9 декабря 2017 в 18:07
    Соңарган әманәт Авылыбызның үткәне турында истәлекләр туплаганда күп кенә материалны Рабига апа Дәминовадан яздырып алган идек. Ул сугыш елында һәм соңрак та авыл Советы рәисе булып эшләгәнгә, авылның яшәешен, сулышын белгән кеше. Мәктәптәге очрашуларда аның төгәл көне-сәгате белән хәтерләп әйткән, сөйләгәннәре күз алдымда.
    282
    1
    3
  • 9 декабря 2017 в 20:22
    Әйдәгез, тормышны сайлыйк! Хәрәкәттә – бәрәкәт, диләр. Бу, чынлап та, шулайдыр. Дәү әниемнең сеңлесе 105 яшендә дөнья куйды. Шул орчык кадәр, катырак җил чыкса, очып китәрдәй карчыкның тик торганын хәтерләмим. 100 яшенә кадәр үзен-үзе карап, мунчасын ягып, тавыклар асрап яшәде. Сиксәненче дистәне ваклаучы кызын гел «утырма, йөр, йөрмәгәнгә авырта синең ул аякларың» дип тиргәр иде.
    201
    0
    0
  • 9 декабря 2017 в 15:02
    Яшел Үзән шәһәрендә истәлекле вакыйга 16 ел элек нигез салына башлаган һәм бөтен шәһәр халкы, предприятиеләр ярдәме белән төзелеп сафка баскан һәм шәһәрнең архитектура үзәгенә әверелгән үзәк мәчет - Җәмигъ мәчете рәсми ачылды.
    177
    0
    2
  • 9 декабря 2017 в 12:32
    Яшел Үзән районында “Лексус” һәм йөк машинасы “маңгайга-маңгай” бәрелешкән Юл һәлакәте Яшел Үзән районында М7 федераль трассаның 746нчы чакрымында булган.
    172
    0
    0
  • 9 декабря 2017 в 11:17
    Салават Фәтхетдинов быелгы «Татар җыры»нда катнашу турында: «Минем башка анда чыгыш ясарга теләгем юк» Былтыр узган «Татар җыры» башкалардан аерылып торды: берьюлы ике «барс» алганнар булды, мәрхүмә Хәния Фәрхигә беренче «барс»ын кабат тапшырдылар һәм... тамашада Салават Фәтхетдинов чыгыш ясамады. Ул көнне эстрадабыз мэтры Мәскәүдә сольный концертын куйды. Әлбәттә, аның булмавы күпләрне шаккатырды.
    154
    0
    0
  • 11 декабря 2017 в 11:36
    Айдар Галимов кызы Айгизәнең җырлавына ник каршы? Айгизәнең инстаграмдагы аккаунтына язылучылар, аның киенүе, җырлавы Риананыкын хәтерләткәнен белә. Чит илдә болай киенү нормаль күренеш булса, татар-башкорт мохитендә моны аңламаучылар да бар.
    106
    0
    0
  • 10 декабря 2017 в 10:09
    Яшел Үзән сандугачы «Татар моңы» җиңүчесе Казанда «Пирамида» күңел ачу үзәгенең концертлар залында IX «Татар моңы» халыкара яшь башкаручылар телевизион конкурсының гала-концерты зур күтәренкелек белән узды. Татар моңын, татар җырын яратучылар белән зал шыгрым тулы иде.
    105
    0
    1
  • 10 декабря 2017 в 13:09
    Язылмыйча булдыра алмый, ничә яшьтә булса да Хөрмәтле «Яшел Үзән» редакциясе! Сезгә Вәсилә Шакирова исеменнән аның кызы яза.
    105
    0
    0