Яшел Үзән

Яшел Үзән коткаручылары ирне үлемнән коткарды

Кичә кич Яшел Үзәндә паром кичү янында бер ир-ат боз астына китә язган. Ярдан ераклыгы 500 метр булган урынга коткаручылар бик тиз килеп җитә.

Кичке сәгать сигезләр тирәсендә килеп чыккан гадәттән тыш хәл турында кече суднолар буенча дәүләт инспекциясе хезмәткәре Александр Деевка паром кичүе каравылчысы хәбәр итә. Александр Деев тиз арада бердәм кизү-диспетчер хезмәтенә шалтыратып, суга батучыны коткарырга ашыга. Һәм 10 минут эчендә махсус аркан ярдәмендә аны бозлы судан тартып чыгара ала.

24 яшьлек зыян күрүче ир-ат хастаханәгә барудан баш тарткан. Әлеге хәлнең сәбәпләре тикшерелә.

Следите за самым важным и интересным в Telegram-канале Татмедиа


Нравится
Поделиться:
Реклама
Комментарии (0)
Осталось символов: