Яшел Үзән

Яшь юл инспекторлары сафта

Балалар арасында юл-транспорт фаҗигаләрен кисәтү, балалар һәм яшүсмерләр арасында юл иминлеге кагыйдәсен пропагандалау һәм аларны яшь инспекторлар хәрәкәтенә җәлеп итү максатыннан чыгып, 30 апрельдә шәһәрнең 1нче лицеенда ЮХИДИ хезмәткәрләре белән мәгариф идарәсе яшь инспекторлар хәрәкәтенең 40 еллыгына багышланган «Иминлек тәгәрмәче - 2013» бәйгесен уздырды. Анда район һәм шәһәрнең 14 мәктәбеннән...

Балалар арасында юл-транспорт фаҗигаләрен кисәтү, балалар һәм яшүсмерләр арасында юл иминлеге кагыйдәсен пропагандалау һәм аларны яшь инспекторлар хәрәкәтенә җәлеп итү максатыннан чыгып, 30 апрельдә шәһәрнең 1нче лицеенда ЮХИДИ хезмәткәрләре белән мәгариф идарәсе яшь инспекторлар хәрәкәтенең 40 еллыгына багышланган «Иминлек тәгәрмәче - 2013» бәйгесен уздырды. Анда район һәм шәһәрнең 14 мәктәбеннән яшь инспекторлар командасы катнашты.
Әлеге чара тантаналы рәвештә башланып китте. Ярышта катнашучыларны Яшел Үзән полициясе җитәкчесе урынбасары Олег Макаров һәм мәгариф идарәсе җитәкчесе урынбасары Ф.Шакирҗанова сәламләде. Тантаналы өлештән соң, катнашучылар станцияләр буенча таралышты.
«Юл хәрәкәте кагыйдәсе белгечләре» этабында бәйгедә катнашучылар видеопроектор һәм махсус экран ярдәмендә юл чатларында транспорт чарасының йөрү чиратын билгеләде.
Икенче этапта командаларга беренче ярдәм күрсәтә белергә кирәк булды.
«Автошәһәрчек» һәм «Велосипедны фигуралы йөртү» станцияләрендә дә катнашучыларга үз белгәннәрен күрсәтергә кирәк иде. Ә иҗади бәйгедә һәр команда иҗади чыгышлары белән сыналды.
Бу бәйгедә Әйшә урта мәктәбе командасы лаеклы рәвештә җиңеп чыкты һәм алар Чаллыда узачак республика бәйгесенә барып, Яшел Үзән данын яклаячак. Татар Танае урта мәктәбе II урынны алды, ә 1нче лицей - III урында.
Бәйгедә катнашучыларны мәгариф идарәсе җитәкчесе Алексей Сафин һәм ЮХИДИ бүлеге җитәкчесе Рәүф Галиев котлады һәм җиңүче командаларга кыйммәтле бүләкләр - веб-камера, МРЗ-плеер бирелде. Башка катнашучылар да буш кул белән кайтып китмәде, һәрберсенә ЮХИДИның сувенир продукциясе тапшырылды. Бөтен бүләкләрне «БДД программаларын финанслау дирекциясе» әзерләде.
Әлеге бәйге оешкан төстә узуы, балаларның һәм оештыручыларның активлыгы белән күңелләрдә матур тойгылар калдырды. Балалар үзләренә позитивлык алу белән бергә яңа дуслар да тапты, юл иминлеге буенча белемнәрен ныгытты. Хәзер аларның берсе дә бервакытта да юл кагыйдәсен бозмаячак һәм башкаларны да шуңа өйрәтәчәк.
Әлфия ЗЫЯКАЕВА

Нравится
Поделиться:
Реклама
Комментарии (0)
Реклама
  • 23 октября 2017 - 14:24
    Защити себя!
  • Тормышыгызда нәрсәләрне үзгәртер идегез?
    Проголосовало 5 человек
  • Мин авылны сайлыйм!
  • «Ашыгырга ярамый, без бит балаларны йөртәбез!»
  • Яшел Үзәндә төрле милләт балалары татар телендә шигырьләр укыды
  • «Дуслар чабышы» Маяк спорт комплексында узды
  • Бакырчыда Мәүлид бәйрәме
  • Яшел Үзән пассажир автотранспорт предприятиясендә ничек бәйрәм иттеләр?
  • Авыр атлетлар кабат Яшел Үзәндә
  • Бакырчыда каз өмәсе
  • Яшел Үзән полициясе бәйрәм итте (ФОТОРЕПОРТАЖ)
  • Газовикларның риск зонасына васильеволылар да эләгә
  • 19 апреля 2018 - 13:52
    Сабан туе көннәре билгеле булды
    Быел, халыкның иң яраткан һәм бүгенге көнгә килеп җиткән иң борынгы йола-бәйрәмнәренең берсе булган Сабантуй, Рамазан ае тәмамлангач булачак.
    690
    0
    2
  • 20 марта 2018 - 15:31
    Игътибар! Түбән Урысбага авыл җирлегенә сәркатип кирәк.
  • 1 ноября 2017 - 10:53
    БЕЗ СЕЗНЕ КӨТӘБЕЗ! Белдерүләрегезне 5-67-02 телефоны аша яки Гоголь ур, 23а йортына килеп калдыра аласыз.
Ночной режим