Яшел Үзән

Яңа елдан соң мәктәпләр ничек эшләячәк? Роспотребнадзор кагыйдәләрне әйтте

Коронавирус пандемиясе дәвам иткән очракта, Россия мәктәпләре эпидемиягә каршы кагыйдәләрне 2021 елда да үтәүне дәвам итәчәк.

Хезмәтнең санитария күзәтчелеге идарәсе башлыгы Ирина Шевкун гамәлдәге СанПиН 2021 елның 1 гыйнварына кадәр исәпләнгән, дип хәбәр итте. "Әмма бу яңа елдан соң барысы да тәмамланачак һәм санитария кагыйдәләрен үтәргә кирәкмәячәк дигән сүз түгел", - диде ул, илдә эпидситация тотрыклыланганчы, мәктәпләрдә аерым шартлар сакланачак, дип билгеләп.

COVID-19 белән көрәш буенча барлык чаралар әлегә тулы күләмдә үткәреләчәк, дип өстәде эпидемиология күзәтчелеге идарәсенең баш белгеч-эксперты Нонна Фомкина. Аның сүзләренчә, әлегә барлык чикләүләр кайчан бетереләчәген әйтергә кыен, өстәвенә, төбәкләрдә вәзгыять төрлечә.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: