Яшел Үзән

Урамда төнлә кычкыртып талыйлар

Төнге вакытта соңарып урамда ялгыз йөргәндә иминлегең турында онытырга ярамый. Яшел Үзәндә яшәүче 24 яшьлек кыз бу хакта башына да китереп карамаган. Ул төн уртасында танышыннан өенә ялгызы кайтырга чыгып, таксига түләүгә экономия ясап, гомерен куркыныч астына куйган. Украинская урамыннан Северная урамына кайтып барганда дәваханә шәһәрчеге тирәсендә аның каршысына ике...

Шуларның берсе кызның сумкасын кинәт талап ала. Ә сумкада кызның телефоны, яңа гына хезмәт хакы күчерелгән банк картасы була. Кыз талаучыны куарга тотына һәм йорт ишегалларының берсендә аларны күздән югалта. Бәхетенә, юлда бер кеше очрап, полициягә шалтырата. Талау турында хәбәр шунда ук бөтен постларга да хәбәр ителә. Тиз арада эзли башлау үз нәтиҗәсен күрсәтә. Эзләнүчеләрнең берсе Комсомольская урамында ведомстводан тыш хезмәт полицейскийлары тарафыннан тоткарлана. Шулай да төп талаучы - Карамалы Тауда яшәүче 18 яшьлек егет качып котыла, әмма озакка түгел. Ул тотарлар дип куркып, Тургенев урамындагы ике катлы йорт чормасында иртәнгә кадәр качып утыра. Иртән өенә кайтып керү белән полицейскийлар тарафыннан тоткарлана. Ачыкланганча, ул кичне алар спиртлы эчемлек кулланып, бер танышларында ял итеп вакыт уздырган. Шешәдәшләрнең берсе бик соң булганга күрә Карамалы Таудан килгән егетне үзенә кунарга чакырган. Украинская урамындагы фатирга кайтып килгәндә Карамалы Тау бистәсендә яшәүче шушы «батыр» егетнең башына беренче очраган кызны талау уе килгән. Хәзер бу җинаятьченең «Талау» маддәсе буенча квалификацияләнеп, 4 елга кадәр ирегеннән мәхрүм ителү куркынычы бар.
Төнге вакытларда урамнарда соңга калып ялгыз йөрү бик куркыныч. Гади иминлек кагыйдәләрен үтәргә, сәламәтлегеңне һәм мөлкәтеңне куркыныч астына куймаска кирәк. Шулай да чыгарга туры килсә, караңгы һәм кешесез урыннарны читләтеп үтегез. Ә инде кыйммәтле әйберләрегезне өегездә калдырып торуыгыз ышанычлырак булыр.
Сәхифәне Әлфия Зыякаева, Лилиана Куликова әзерләде.

Нравится
Поделиться:
Реклама
Комментарии (0)
Реклама
  • 23 октября 2017 - 14:24
    Защити себя!
  • Тормышыгызда нәрсәләрне үзгәртер идегез?
    Проголосовало 5 человек
  • Мин авылны сайлыйм!
  • «Ашыгырга ярамый, без бит балаларны йөртәбез!»
  • Яшел Үзәндә төрле милләт балалары татар телендә шигырьләр укыды
  • «Дуслар чабышы» Маяк спорт комплексында узды
  • Бакырчыда Мәүлид бәйрәме
  • Яшел Үзән пассажир автотранспорт предприятиясендә ничек бәйрәм иттеләр?
  • Авыр атлетлар кабат Яшел Үзәндә
  • Бакырчыда каз өмәсе
  • Яшел Үзән полициясе бәйрәм итте (ФОТОРЕПОРТАЖ)
  • Газовикларның риск зонасына васильеволылар да эләгә
  • 19 апреля 2018 - 13:52
    Сабан туе көннәре билгеле булды
    Быел, халыкның иң яраткан һәм бүгенге көнгә килеп җиткән иң борынгы йола-бәйрәмнәренең берсе булган Сабантуй, Рамазан ае тәмамлангач булачак.
    642
    0
    2
  • 20 марта 2018 - 15:31
    Игътибар! Түбән Урысбага авыл җирлегенә сәркатип кирәк.
  • 1 ноября 2017 - 10:53
    БЕЗ СЕЗНЕ КӨТӘБЕЗ! Белдерүләрегезне 5-67-02 телефоны аша яки Гоголь ур, 23а йортына килеп калдыра аласыз.
Ночной режим