Яшел Үзән

Твоя-Россия.рф сайтында тавыш бирүнең беренче этабы бер атнадан төгәлләнә

28 июльдә 23:59 сәгатьтә Твоя-Россия.рф сайтында Россия банкының булачак 200 һәм 2000 сумлык банкнотларына символ сайлау өчен тавыш бирүнең беренче этабы төгәлләнә.

Бүген җиңүгә мөмкинлекләре зур булган 13 шәһәр бар, диелә. Чөнки бәйгедә аларның ике һәм аннан күбрәк символы катнаша. Өч символы булган бердәнбер шәһәр - Казан: Татарстан башкаласының Казан Кремле, Кол Шәриф мәчете һәм Казан федераль университеты җиңү өчен көрәшә. Владивосток, Волгоград, Екатеринбург, Мурманск, Түбән Новгород, Новосибирск, Ростов-на-Дону, Самара, Саратов, Смоленск, Севастополь һәм Сочиның икешәр символы бар.

Шулай итеп, сайлап алынган бәйгечеләр билгеле булачак. Бу хакта тавыш бирү сайтында хәбәр ителә. 19 июль иртәсенә булган мәгълүматларга караганда, тавыш бирүдә 1 меңнән артык шәһәрнең 850 меңнән күбрәк кешесе катнашкан. Россия халкына 4,5 меңләп символ тәкъдим ителгән. 5 меңнән артык тавыш җыючылара рәтенә 31 шәһәрнең 43 символы кергән.

Бәйгенең икенче этабы 5 августта старт ала һәм 30 августка кадәр дәвам итәчәк. Өченче этап сентябрьдә башлана.

Конкурс җиңүчеләре 5 сентябрь - 5 октябрь аралыгында узачак тавыш бирүнең соңгы этабында билгеләнәчәк.

Интертат.ру

Следите за самым важным и интересным в Telegram-канале Татмедиа


Нравится
Поделиться:
Реклама
Комментарии (0)
Осталось символов: