Яшел Үзән

ТР журналистлар Союзына Илшат Әминовны тәкъдим итәләр

ТР журналистлар Союзы рәисе Римма Ратникова үз вазыйфасыннан китәргә теләвен белдерде.

Аның урынына кандидат итеп “Татарстан – Яңа гасыр” телерадиокомпаниясе генераль директоры Илшат Әминов тәкъдим ителгән. Бу хакта союз президиумы утырышында билгеле булды.
“Съезд алдыннан үз кандидатурамны алга таба тәкъдим итәргәме икән дип озак уйладым һәм узган 24 елның аз вакыт булмавын аңладым. 24 ел минем тормышымның бер зур өлеше. Вакытында китә дә белергә кирәк. Минтимер Шәймиев безгә яхшы үрнәк күрсәтте”, - диде ул. 
Президиум Илшат Әминов кандидатурасын хуплады, 24 гыйнварда ТР журналистлар Союзының XIX съезды узачак, әлегә җитәкче урынына тагын кемнәр үзен тәкъдим итүе билгесез.

Фото: Рамиль Гали

Нравится
Поделиться:
Реклама
Комментарии (0)
Осталось символов: