Яшел Үзән

ТР Президентының еллык Юлламасында Чистайдан килгән малайны да хөрмәтләделәр

Инде хәбәр иткәнчә, ТР Президенты Рөстәм Миңнеханов Татарстан Дәүләт Советына еллык юллама белән чыгыш ясый.

- Республикабызның һәм күп милләтле Россиянең чын патриотларын тәрбияләү мөһим бурыч булып тора, алар безнең тарихыбыз һәм мәдәниятебез белән горурланалар, югары әхлаклылык һәм батырлык варислары булып торалар, - диде Рөстәм Миңнеханов үз чыгышында һәм залда чын мәгънәсендә горурлана алырлык яшь кешеләр булуын, һәм башкалар да күрсен өчен, аларның урыннан торуларын сорады. Зал ике батыр малайга кул чапты.

Алар арасында Чистайда яшәүче җиде яшьлек Радмир Галимов та бар иде, ул әнисе белән килгән. Ул, кечкенә булуына карамастан, югалып калмый, җиде яшьлек кызга бәла-казадан качарга ярдәм итә, шул рәвешле ихтирамга лаеклы батырлык кыла.

Исегезгә төшерәбез: июнь ахырында коточкыч бер хәл булган иде: Радмир бер ир-атның кызга һөҗүм итүен күргән һәм һөҗүм итүчегә каршы торырга тырышкан, әмма аны җиңә алмаячагын аңлаган. Шуннан соң, бала узып баручыларны ярдәмгә чакырган, алар исә ир-атны тоткарлаган.

Үзенең батырлыгы өчен Радмир Галимов «Батырлык һәм кыюлык» медале белән бүләкләнде.
- Рәхмәт сезгэ бик зур! Большое Вам спасибо! - диде Рөстәм Миңнеханов, ике телдә һәм шулай үзенең рәхмәтен белдерде.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: