Яшел Үзән

Татарстанның көньяк-көнчыгышында яшәүчеләр яңа телеканалга исем сайлады

Телеканал республиканың нефть төбәгендә тапшырылачак.

Әлмәттә Татарстанның көньяк-көнчыгыш шәһәрләрен берләштерүче яңа телеканал булдырылачак. Төбәк халкы аның исеме турында фикер алышуга актив кушылды.

Сораштыруны «Әлмәт ТВ» телекомпаниясе Инстаграм һәм ВКонтакте битләрендә урнаштырды. Тавыш бирү өчен берничә исем тәкъдим ителде, алар арасында: «Регион-Татарстан», «Холма ТВ», «Тат-Юг ТВ», «Нефтянка ТВ», «ЮВТ-24».

Күпчелек халык «ЮВТ-24» исемен сайлаган. Лидерлар өчлегенә шулай ук «Регион-Татарстан» һәм «Тат-Юг ТВ» вариантлары да керде.
Шәрехләрдә татарстанлылар үз исемнәрен дә тәкъдим итте, мәсәлән, "Салават купере"; «ЮВ-ТВ»; «ТВ Нефтянигы»; "ЮВТ 16 яки 116".

Яңа телеканал «Татмедиа» АҖ эшли, ул «Татарстан-24» проектының мантыйкый дәвамы булачак. Медиахолдингның генераль директоры Шамил Садыйков ассызыклаганча, Әлмәттә телекомпанияне көчәйтү идеясе нәкъ менә монда "Татнефть" ярдәмендә эре агломерация формалаша.


«Бу Татарстанның көньяк-көнчыгыш шәһәрләрендә телестудияләрне берләштерүче компания булачак. Шул ук вакытта телекомпания «Татарстан-24» проектына интеграцияләнәчәк», - дип билгеләп үтте генераль директор.


Якын арада оештыручылар әйдәп баручы һәм журналистлар кастингын игълан итәчәк.

Чыганак: “Әлмәт ТВ”

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: