Яшел Үзән

Татарстанда ВИЧ-инфекцияле аналардан 129 сәламәт бала туган

2020 елда табиблар әнисеннән балага инфекция иярү очракларын теркәмәгән.

Татарстанда 2020 елда ВИЧ-инфекцияле аналардан 129 сәламәт бала туган. Бу хакта “Татар-информ” мәгълүмат агентлыгында узган матбугат конференциясендә СПИД һәм йогышлы авыруларга каршы профилактика һәм көрәш буенча республика үзәге баш табибы Нияз Галиуллин сөйләде.



"Быел бездә ВИЧ-инфекцияле аналардан 129 бала туган һәм әнидән балага ВИЧ-инфекция күчүнең бер генә очрагы да юк. Бу сәламәтлек саклау системаларының көйләнгән эше турында сөйли», - диде спикер.

Исегезгә төшерәбез, 1 декабрьдә Бөтендөнья СПИД белән көрәш көне билгеләп үтелә.

Элегрәк "Татар-информ" мәгълүмат агентлыгы хәбәр иткәнчә, быел Татарстанда ВИЧ авыруының 750 очрагы теркәлгән. 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: