Яшел Үзән

Татарстанда кошларны чиплый башлыйлар

Татарстанда хайваннарны мәҗбүри идентификацияләү кысасында йорт кошларын да чиплый башлыйлар.

Бу хакта матбугат конференциясендә Татарстан Республикасы Министрлар Кабинетының баш ветеринария идарәсе башлыгы урынбасары вазыйфаларын башкаручы Елена Ильина сөйләде.

Республикада хайваннарны идентификацияләү системасын июнь башында эшләтеп җибәрделәр. Ике пилот районда - Арча һәм Балтач районнарында яңа туган бозауларны чипларга керештеләр. Хайваннарның бер колагына - уникаль номер һәм QR-кодлы биркалар, ә икенчесенә электрон чиплар куела. Программаның максаты - йогышлы авырулар таралуга каршы көрәш.

Ильина билгеләп үткәнчә, Россия Федерациясе Авыл хуҗалыгы министрлыгы мәҗбүри идентификацияләү өчен хайваннар исемлеген билгеләгән инде. Аңа барлык авыл хуҗалыгы хайваннары, вак йорт хайваннары, мехлы җәнлекләр, йорт куяннары, бал кортлары һәм балыклар кергән.

“Кошлар да бу исемлектә бар, шуңа күрә алар идентификацияләнәчәк", — дип билгели спикер.

Әлеге мәгълүмат республиканың гомуми базасына кертеләчәк.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: