Яшел Үзән

Татарстан Республикасы буенча Россия Пенсия фондында инвалидларны һәм картларны тәрбияләүчеләргә түләүләр турында искә төшерделәр

Компенсация түләве 1200 сумга тигез.

Эшкә яраксыз гражданнар өчен айлык компенсация түләүләре тиеш. Бу хакта Россия Пенсия фондының ТР буенча бүлеге матбугат хезмәте искә төшерә.

"Мондый түләү күләме 1200 сум тәшкил итә, ул тәрбияләнүче хезмәткә яраксыз гражданга билгеләнгән пенсиягә кушып түләнә", - дип билгелиләр Пенсия фондында.

Компенсация түләүләре билгеләнә торган хезмәткә яраксыз гражданнарга инвалид балалар, I төркем инвалидлар һәм 80 яшькә җиткән өлкән гражданнар керә.

Шул ук вакытта, аны караучы гражданның гаилә әгъзасы булу-булмавы һәм ул ярдәм итүче кеше белән бергә яшәве-яшәмәве мөһим түгел.

Компенсация түләүләрен билгеләү өчен гражданинның шәхси кабинеты яки дәүләт хезмәтләре порталы аша гариза бирергә, шулай ук, ПФР территориаль органнарына мөрәҗәгать итәргә мөмкин. Карау вакыты һәр ел өчен 1,8 пенсия коэффициенты күләмендә иминият стажына исәпләнә.

Эшкә урнашканда 80 яшьтән өлкәнрәк яки I төркем инвалидны карау буенча түләүгә хокук югала. Артыгын түләмәс өчен караучы Пенсия фондына үзенең эшкә урнашуы турында биш көн эчендә хәбәр итәргә тиеш. Хезмәткә яраксыз гражданнарны караучы үзмәшгульләр компенсация түләүләренә хокукны югалтмый, дип өстәделәр Пенсия фондында.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: