Яшел Үзән

Стоп! 609нчы экипаж: каешыңны ки, тизлек сакла, «6.9»нчы рульгә утырма!

Россия милициясенең 100 еллыгына багышланган язмалар сериясен дәвам итәбез. Бу юлы бездә кунакта Яшел Үзән ЮХИДИ бүлеге хезмәткәрләре – полиция лейтенантлары Рөстәм Гыйрфанов һәм Руслан Сафиуллин.

Эчке эшләр органының һәр тармагы катлаулы булса да, ЮХИДИ хезмәте аеруча четерекле участок­ларның берсе. Хәзерге юлларда киеренкелек тә, транспорт чаралары да арта, шуларга бәйле юл сагында торучыларның  эш-мәшәкатьләре дә күбәя. 609нчы экипаж хезмәткәрләре Рөстәм Гыйрфанов һәм Руслан Сафиуллинны юлда йөрүчеләр бик яхшы белә. Аларның очлы күзеннән әле берәүнең дә закон бозып уза алганы юк. «Гаишниклар» кулындагы «тылсымлы» таяк кайбер тыңлау­сыз автомобильчеләрне әкият героена әйләндерә дә куя.  «Беләбез бит инде сезнең шунда торганны!» – дип өзгәләнүче автомобильчеләр дә күпме була.
Көне-төне, җәен-кышын, яңгырда да, карлы буранда да закон  сагында торучы бу яшь һәм энергияле  ир-егетләр полициягә ничек килеп кергән соң? Рөстәм Гыйрфанов, полициядәге хезмәт юлын  2012 елда  ведомстводан тыш сак бүлегенең пульт үзәгеннән башлап җибәргән. Реформалар башлануга ЮХИДИ бүлегенә күчкән. Югары белемле – Казан дәүләт университетының радиофизика һәм электроника факультетын тәмамлаган, хәрби хезмәтне Волгоградта узган.  
Руслан Сафиуллин да Яшел Үзән егете,  5нче гимназияне  тәмамлаган. Мәктәптә укыганда ук  «гаишник»  булырга хыялланганга күрә Икътисад, идарә һәм хокук институтының «юриспруденция» факультетын тәмамлау һәм армиядә хезмәт итеп кайту белән 2013 елда полициягә килгән.
Рөстәм һәм Руслан бер экипажда хезмәт итеп, бер-берсен хәзер бер сүздән, бер караштан аңларга өйрәнгән. Төп бурычлары хокук бозуларны ачыклау, профилактика эшен алып бару, юл фаҗигаләрен булдырмау булса да, аларга төрле очраклар белән очрашырга туры килә. Һәр эш көне үзенә күрә бер тарих кебек истә кала. Һәр очрак аларның үзләрен дә өйрәтә, тәҗрибә  туплана. 609нчы экипажга эш барышында 6.9нчы статьяны еш кузгатырга туры килә. Наркотик кулланган автомобиль йөртүчеләр хәзер аеруча күп эләгә.
– Наркотик кулланучы автомобиль йөртүчеләр арта, – дип сөйли алар икесе дә. – Шикләнеп туктатасың, аракы исе дә килми, аның наркотик кулланганлыгын исбатларга да кирәк. Аны ачыклау өчен бөтен ысулны һәм талантыңны кулланырга туры килә. Сораштыра, психологик басым ясый торгач, күбесе үзләрен-үзләре  ничек фаш итүләрен сизмичә дә кала. Наркотикны үз теләкләре белән кесәләреннән чыгарып салучылары да була. Ә медицина тикшеренүеннән баш тартучыларга 30 мең штраф салынудан тыш, алар 1 ел ярымнан алып 2 елга кадәр  машина йөртү хокукыннан мәхрүм ителәләр. Закон катгый, әмма аңа карап закон  бозучылар кимеми. Хатын-кыз машина йөртүчеләр үзләренчә характер күрсәтә.  Алар безгә түгел, Интернетка күбрәк ышанып,  үзбелдеклеләнә. Шуңа күрә ханым-туташ автомобильчеләр белән  безгә башкача эшләргә туры килә.
Шунда алар җәйге бер вакыйганы да искә төшереп ала. Кыскасы, һәр ситуациядә тиз эш итәргә, административ хокук бозуларны теркәүдән тыш, кешелеклелек һәм хәтта ашыгыч психологик ярдәм дә күрсәтергә кирәк. Күпме кешене алар шулай бәладән дә коткарып кала.    
– Сабан туе көнне Мирныйда «Җиделе»не «ГАЗель» автомобиле бәрдергән иде. «Җиделе»дә Югары Осланнан больницага туганнарын күрергә килүче әби белән бабай. ДТПны теркәү озакка сузыла торган процесс. Шул вакытта кинәт әбинең хәле начарлана башлады. Ашыгыч ярдәм хезмәтен чакыртуга чакырттык, әмма әбиебезнең дә хәле начарайганнан-начарая. Аны үзебезнең машинага утыртып, мигалкаларны кабызып, больницага үзем алып киттем, – дип сөйли Руслан Сафиуллин. – Юл буе әбигә: «үлә күрмә инде, алайса мине утырталар, күзләреңне ач!» – дип бардым. Әбине исән-сау  медикларга тапшырдым. ДТП чыккан урынга кире әйләнеп кайткач,  бабай миннән әбинең хәлен сорый, нәрсә дип әйтим инде мин аңа. «Малаегыз туса, Руслан исемен кушарсыз» дип әйтергә генә калды. Күпмедер вакыттан соң икенче эш буенча больницага барсам, шунда шул  әби-бабай белән тагын очрашырга туры килде. «Без син әйткәнне онытмадык, без аны эшләрбез!» – дип күз кысты бабаебыз.
Яшел Үзән ЮХИДИ бүлеге хезмәткәрләренең дә һөнәри серләре, алар куллана торган гына ысуллары, алар телендә генә әйтелә торган сүзләре бар. Төнге клублар клиентлары да аларга еш мәшәкать тудыра.   
– Җәй көне иде ул. Төнге клуб янында «Шевроле» автомобилен күрәбез, күзәтәбез. Кузгалып киттеләр, туктарга кушканны үтәмиләр, киресенчә, кача башлады болар.  Нәтиҗәдә без куарга тотынгач,­ машина белән алар агачка барып бәрелде. Машина эче тулы исерек компания иде. Вакытында туктасалар, авария дә чыкмаган, машина да исән калган булыр иде. Машина йөртүченең ничек үкенгәнен күрсәгез сез...
Тотылып, җаваплылыкка тартылучылар арасында полицейскийларга  ялган яла ягучылар да, үз гамәлләреннән бөтенләй баш тартучылар да очрый. Ә бит «гаишниклар» машинасында видеорегис­тратор булмыйча калмый. Хокук бозу нәтиҗәсендә тотылганнар арасында  «Полицейскийлар кыйнады» дип шикаять язучылар да бар. Шуңа карамастан, бу экипаж һәр сменасында үз бурычын үтәргә, юлларда иминлекне максималь  тудырырга тырыша. Шуңа да аларны эчке эшләр җитәкчелеге дә бәяләп, ведомство бүләкләре белән бүләкләп тора. 609нчы экипаж юлга чыккан икән, видеокамераларның да кирәге калмый, һәр автомобиль, йөртүчесе һәм пассажиры, җәяүлеләр – барсы да шушы «гаишник» егетләр күз уңында. Димәк, юлларда да курыкмыйча йөрергә була, әлбәттә инде,  тизлекне арттырмыйча гына.

Әлфия ЗЫЯКАЕВА

Теги:
Нравится
Поделиться:
Реклама
Комментарии (0)
  • 19 февраля 2018 в 16:49
    Күршеләрнең җирен алып буламы? – Күршеләрнең җир участокларында биш ел элек йортлары янды. Бакчаларында чүп үләне котыра, хуҗаларының килеп күренгәннәре дә юк. Аларның җирләрен алып миңа бирүләрен дәгъвалый аламмы?
    28
    0
    0
  • 19 февраля 2018 в 15:46
    Ташлама алучыларның акчасы арта 1 февральдән федераль ташлама алучыларга ай саен бирелә торган түләүләр һәм социаль хезмәтләр җыелмасы бәясе артты.
    56
    0
    0
  • 19 февраля 2018 в 14:34
    Традиция дәвам итә Һәр елдагыча, быел да кече шырданлылар якташыбыз, бөек мәгърифәтче Каюм Насыйриның рухына багышлап Коръән мәҗлесе  үткәрде.
    66
    0
    0
  • 19 февраля 2018 в 13:55
    Татарстан халкын кыска эш атнасы көтә Ватанны саклаучылар көнен бәйрәм итүгә бәйле рәвештә, республикада яшәүчеләр 23, 24 һәм 25 февральдә ял итәчәк.
    49
    0
    0
  • 19 февраля 2018 в 10:30
    Торф төймәләре – замана бакчачыларына хезмәттә Алар көнкүрешкә чагыштырмача күптән түгел килеп керүләренә карамастан, үзләренең өстенлекле сыйфатларын бик тиз исбатлады:
    33
    0
    0
  • 19 февраля 2018 в 08:28
    Мунчаның да паспорты булырга тиешме? – Безнең дачада мунча һәм сарай бар. Хәзер һәрбер шундый объектның техник пас­порты булырга тиеш дип, сөйлиләр. Дөресме?
    63
    0
    0
  • 18 февраля 2018 в 13:36
    Җәмәгать судьяларының өй туе Мирный бистәсендә Комаров урамының 43нче йортында җәмәгать судьяларының өр-яңа итеп төзекләндерелгән бинасы ачылды. Биредә халыкны өч участок буенча кабул итәчәкләр. Ремонт эшләре ТР дәүләт программасы кысаларында башкарылган.
    30
    0
    0
  • 18 февраля 2018 в 12:03
    Бетне керосин да җиңми, ә тән пешәргә мөмкин Күбебез бетләүне үткән заман калдыгы дип уйлый, әмма чынбарлыкта педикулез дөньяда иң таралган авыруларның берсе. Бөтендөнья Сәламәтлек саклау оешмасы мәгълүматларына караганда, ел саен миллиардлаган кеше бетлеләр белән контактта була, һәр икенче кеше кайчан да булса бу «күңелсезлекне» үзендә татып карый.
    79
    0
    0
  • 18 февраля 2018 в 11:10
    Татарстанның бакчачылык берләшмәләрен үстерүгә 150 миллион сум тотылган Республика программасында 20ләп районның бакчачылык берләшмәләре катнаша.
    53
    0
    0
  • 18 февраля 2018 в 08:12
    Рөстәм Миңнеханов: «Проблемаларны яшереп калырга ярамый» Бу атнада Яшел Үзәнгә эшлекле визит белән Татарстан Президенты Рөстәм Миңнеханов килде. Ул район һәм шәһәр Советының берләшкән утыз өченче сессиясендә катнашты. Ә аңа кадәр «А.М.Горький исемендәге Яшел Үзән заводы»нда булды.
    55
    0
    0
  • 17 февраля 2018 в 18:00
    Бакырчы шаккатыруын дәвам итә Бакырчыда кабат зу-у-ур бәйрәм! Мондый бәйрәмнең моңа кадәр бу авылда узганы юк иде әле. Чөнки биредә шугалак әле генә барлыкка килде. Шуңа да бу чараны яше дә, карты да, бала-чагасы да, бердәм булып, шатланып көтеп алды.
    215
    0
    2
  • 17 февраля 2018 в 17:13
    Фәнис Җиһаншаны аздан гына төрмәгә утыртмый калганнар Камал театры артисты Фәнис Җиһанша шушы арада ерак сәфәрдән кайтып төште. Артист Хуҗа Насретдин образында дөньяның төрле илләрендә сәяхәтен дәвам итә. Бу юлы аның тукталышы Дубайда булган.
    104
    0
    0
  • 17 февраля 2018 в 15:54
    Күңелемдәгесен әйтәм Татар Әҗәле белән Карашәм авылы арасындагы 2-3 чакрым юл бик начар хәлдә, инде күптән ремонт күрмәгән. Кышын ярый әле, катырып, кар белән тигезләнә. Ә яз һәм көз айларында күрмәгәнне күрәбез инде – нык җәфаланабыз. Ел да халык җыенында бу сорауны күтәрәбез, әлегә файдасы юк.
    111
    0
    0
  • 23 октября 2017 в 14:24
    Защити себя!
  • Бакырчыда Мәүлид бәйрәме
  • Яшел Үзән пассажир автотранспорт предприятиясендә ничек бәйрәм иттеләр?
  • Авыр атлетлар кабат Яшел Үзәндә
  • Бакырчыда каз өмәсе
  • Яшел Үзән полициясе бәйрәм итте (ФОТОРЕПОРТАЖ)
  • Газовикларның риск зонасына васильеволылар да эләгә
  • Безнең кораблар Гарәп диңгезен иңли башлады
  • Маякта йозлэгэн казый жыелды. Нэрсэ булган???
  • МЕТЕОРда балалар өчен оештырылган ярыш
  • Юныс Сафиуллин белән очрашу кичәсе
  • 19 февраля 2018 в 12:00
    Афәрин, Андрей!
    Узган шимбәдә Яшел Үзәннең “Маяк” трассасында үскән чаңгычы Андрей Ларьков чаңгы буенча ирләр эстафетасында  көмеш медаль  яулады.
    42
    0
    0
  • 16 февраля 2018 в 10:32
    ТРЕБУЕТСЯ - администратор-кассир 1/2. 1500, соц.пакет, вахта. Деревня Исаково.
  • 6 февраля 2018 в 15:35
    Ачкычлар табылды Столичная 2а йортының бишенче подъезды янында ачкыч табылды⚠
  • 1 ноября 2017 в 10:53
    БЕЗ СЕЗНЕ КӨТӘБЕЗ! Белдерүләрегезне 5-67-02 телефоны аша яки Гоголь ур, 23а йортына килеп калдыра аласыз.
  • 16 февраля 2018 в 16:24
    Александр ТЫГИН: «ҮЗ ӨЕГЕЗГӘ БУЛСА, ДӘҮЛӘТ БИРӘМ ДИП ТОРГАН АКЧАДАН КОЛАК КАКМАС ИДЕГЕЗ!» Норлат авыл җирлегендә авыл җыены һәрвакыттагыча тыныч узды. Зур кунак – тр дәүләт советы депутаты Юрий Камалтынов та норлатлыларның сабырлыгына, тынычлыгына сокланды. Димәк, проблемалар булса да, хәл ителә, дигән сүз.
    244
    0
    0
  • 16 февраля 2018 в 14:55
    Сез икегез – бербөтен Мәхәббәт мәхәббәт инде ул, Һади Такташ әйтмешли, һәрбер йөрәк аны үзенчә яңарта. Әлеге татлы, ихлас хистән башка гомер кичерүләре мөмкинме икән?!
    233
    0
    0
  • 17 февраля 2018 в 18:00
    Бакырчы шаккатыруын дәвам итә Бакырчыда кабат зу-у-ур бәйрәм! Мондый бәйрәмнең моңа кадәр бу авылда узганы юк иде әле. Чөнки биредә шугалак әле генә барлыкка килде. Шуңа да бу чараны яше дә, карты да, бала-чагасы да, бердәм булып, шатланып көтеп алды.
    215
    0
    2
  • 16 февраля 2018 в 11:30
    Мәктәптә укучылар сугыша Агымдагы елның 24 гыйнварында шәһәр мәктәпләренең берсендә III сыйныф укучылары арасында ызгыш чыгып, шуларның берсе тән җәрәхәтләре алган.
    181
    0
    0
  • 16 февраля 2018 в 09:44
    Маммография тикшерүләре узу кабинеты эше туктатыла Хөрмәтле Яшел Үзән районы һәм Яшел Үзән шәһәре халкы!
    167
    0
    0
  • 16 февраля 2018 в 08:35
    Юл ябыла Ремонт эшләре бару сәбәпле,2018 елның 16 февралендә Свияжск – Ходяшево  юлындагы тимер юл переезды 7дән 16 сәгатькә кадәр ябыла.
    160
    0
    1
  • 17 февраля 2018 в 08:17
    Ничек түлисез, шулай яшисез! Әйшә мәдәният йортында узган җыенга килгән халыкны аз иде дип әйтеп булмый, сораулар да шактый яңгырады. Димәк, халык җирле хакимият ярдәменә өметләнә, битараф түгел. Әле ике ай гына авыл җирлеге башлыгы булып эшли башлавына карамастан, Радик Галәвиев авылдашлары алдында 2017 елга хисап тотты. Очрашуда район башлыгы Александр Тыгин да катнашты.
    114
    0
    0
  • 17 февраля 2018 в 15:54
    Күңелемдәгесен әйтәм Татар Әҗәле белән Карашәм авылы арасындагы 2-3 чакрым юл бик начар хәлдә, инде күптән ремонт күрмәгән. Кышын ярый әле, катырып, кар белән тигезләнә. Ә яз һәм көз айларында күрмәгәнне күрәбез инде – нык җәфаланабыз. Ел да халык җыенында бу сорауны күтәрәбез, әлегә файдасы юк.
    111
    0
    0