Яшел Үзән

Ә сез пластик тәрәзәгезне кышкы режимга күчердегезме?

Пластик тәрәзәләрне кышкы режимга күчерергә кирәкме?

Уңайлы йорт, һичшиксез, тормышны яхшырта. Кышын, урамда җил-буран булганда, җылы йомшак аяк киемнәре киеп, хуш исле кофе ясап, аны тәмләп эчә-эчә тәрәзәдән кар каплаган урамнарны, йортларны, сирәк кенә машиналарны күзәтүдән дә рәхәте юк...Әмма, тәрәзәдән җил өреп торса, сез мондый кышкы күренештән, мөгаен, бернинди дә рәхәтлек алмассыз. Тәрәзәләрне кышкы режимга күчерүнең вакыты килеп җитте! Әйе, әйе, тәрәзәләрнең дә үзләренең табигать режимы бар!
Табигать режимын кайда эзләргә?
Тәрәзәгезне ачып, бикләнә торган фурнитура янындагы тәрәзә яннарын карагыз. Кышкы режим белән җиһазландырылган рамнарда чыгып торган режим ыргагын - цапф: озынча гайкаларны, алтыкырлыкны, яисә борып кую өчен горизонталь сызык­лы шайбаны күрерсез. Профильнең кайбер төрләрендә цапфны (вал яки ось муены) башта профиль өстеннән күчерергә, көйләп кире кысарга кирәк. Әмма заманча тәрәзәләрдә, кагыйдә буларак, алтыкырлыклар зур түгел.
Стандарт размердагы тәрәзәләр 5 цапфтан тора: ача торган тоткычлар янында - 3, һәм тышкы читендә, астан һәм өстән - 1әр. Бу рычаглар капкачларны кысып ябу өчен каралган. Тәрәзә зур булган саен периметр буенча цапф зуррак. Кышын максималь герметика һәм җәен әйбәт вентиляция бикләр арасында киеренкелекне грамоталы көйләү юлы белән ирешелә. Болардан тыш, цапфны көйләү тәрәзәләрнең тирләү проблемасын бетерә.
Ничек көйләргә?
Салкын һава кереп торганда пластик тәрәзәләрне кышкы режимга ничек күчерергә:
Тәрәзә элементларын юеш чүпрәк белән сөртегез
Фурнитураны каты пумала белән чистартыгыз
Пычрактан һәм иске майлардан чистартыгыз
Механизмнарны яңа силикон белән эшкәртегез
Ныгыткычларны чистартыгыз һәм майлагыз, тузган булса, алмаштырыгыз
Капкачларны көйләгез
Кышкы режимга күчерергә:
1 Кыскыч роликларны табыгыз;
2 Цапфларны игътибар белән карагыз, аларның һәрберсендә кышкы һәм җәйге режимны күрсәткечләр бар;
3 Роликны үзегезгә тартыгыз и кирәкле урынына кадәр борыгыз, кул белән, кирәк булса алтыкырлык яисә отвертка белән;
4 Цапфларны үз урынына батырыгыз.
Рам белән капкач арасына кәгазь бите куеп, тәрәзәне ябыгыз. Кырыйга тартып карагыз, әгәр кәгазь ертылса һәм тартып алып булмаса, барысы да дөрес эшләнгән дигән сүз.
Пластик тәрәзәләрне сезонлы режимга күчерү ярты елга бер тапкыр башкарыла. Пластик рамның урта стойкасына игътибар итегез. Аның биге бар, шуның буенча ролик шуып йөри һәм капкач кысыла. Еш файдаланудан металл пластиналар көйләүне таләп итә. Ватылулар булмасын өчен капкачларны һәм фурнитураны инструкциягә ярашлы рәвештә чистартып һәм сылап торырга кирәк.

Нравится
Поделиться:
Реклама
Комментарии (0)
Осталось символов: