Яшел Үзән

"Рәсми Яшел Үзән"дәге хәбәр законсыз киртәләрне бетерергә ярдәм итте

Моннан берничә көн элек Яшел Үзән районының рәсми аккаунтына хәбәр килде: Төзүчеләр проспекты буенча 18нче йорт янында машина кую һәм үтәли чыгу юлларын япканнар.

Баганалар һәм трос куйганнар. Мәгълүмат районның Административ-техник инспекциясенә тапшырылды.

- Еш кына шулай була бит, күпфатирлы йортта яшәүчеләрнең машина кую урыннарын саклау теләге туа, ә моңа рөхсәт бирүче документлар юк. Милекчеләр җыелышын берәү дә үткәрмәгән, протокол төзелмәгән. Шуңа күрә безнең тикшерү нәтиҗәсе гади һәм аңлаешлы: законсыз куелган чикләүләр юк ителде, - дип шәрехләде вәзгыятьне ЯҮМР АТИ җитәкчесе Ольга Абросимова.

Бүгенге көндә территориядән трос һәм баганалар алынды.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: