Яшел Үзән

Районда эшләр гөрли: Мулла Иле һәм Татар Танаенда нинди яңалыклар бар?

Быел районыбызның берничә авылында республика программасы буенча мәдәният йортына капиталь ремонт ясау турында хәбәр иткән идек инде.

Менә Мулла Иле авылында төзекләндерү тәмамлады. Бүген яңартылган, 300 урынга исәпләнгән мәдәният йортын район җитәкчесе Михаил Афанасьев та килеп күрде.

- Бинаны танырлык та түгел, бик әйбәт һәм сыйфатлы итеп башкарганнар, хәзер биредә төрле чаралар һәм бәйрәмнәрне рәхәтләнеп уздырырга була. Афәрин! - дип подряд оешмасына рәхмәтен белдерде һәм клуб хезмәткәрләрен Гаилә, мәхәббәт һәм тугрылык көне белән котлады.

Яңартылган мәдәният йорты август аенда үз ишекләрен ачар дип көтелә.
300 урынлы Татар Танае мәдәният йортына шулай ук дәүләт программасы буенча капиталь ремонт ясала. Әлегә эшләр бар куатенә бара. Михаил Афанасьев сүзләренә караганда, проект кызыклы булырга һәм аны авыл халкы бәяләргә, иң мөһиме аны креатив һәм иҗат белән тутырырга вәгъдә итә.

Аннары район җитәкчесе Норлат авыл җирлегендә урнашкан Фазуллин крестьян-фермер хуҗалыгында булды. Биредә 3 гектар мәйданда җиләк һәм 10 гектар мәйданда пекин кәбестәсе үстерәләр. Михаил Афанасьевка КФХның эшен киңәйтергә җыенулары турында сөйләделәр. Ул инициативалы фермерларга ярдәм итәргә әзер булуын билгеләп үтте

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: