Яшел Үзән

«Мин үземнән мондый нәтиҗә көтмәдем!»

Бүген 31 гыйнвар һәм «Маяк» спорт базасында җанлылык, балалар чыр-чуы, дулкынлану хисләре белән катнаш күтәренке кәеф хөкем сөрә. Чөнки бәйге биредә, җәмәгать! Беренче тапкыр иң яшь яшел үзәнлеләр – 9-10 яшьлек III – IV сыйныф укучылары арасында 500 метр дистанциядә чаңгы ярышы.

Катнашучыларга ка­­­­раганда, балалары өчен җанатарга килгән ата-аналарның күбрәк борчылуы күзгә ташланып тора.


– Безнең кыз беренче тапкыр катнаша әле мондый зур ярышта, әлегә кадәр шул мәктәп тирәсендә генә иде, – ди, үзен Камилә исемле кызның әнисе Гүзәл буларак таныштырган ханым. – Рәтләп йоклый да алмадым хәтта. Ичмасам монда йөрергә дә килгәнебез булмады, үзебезнең яндагы урманга гына чыкканыбыз бар. Кызым үзе тыныч, мин менә дулкынланам. Аллаһка тапшырдык!
Ярыш бик «кызу» булды. «Маяк»ка җыелган халыкның трассадагы балаларны чын күңелдән канатландырып, көч биреп торуларын күрсәгез икән! Бәлки шуңадыр, алар әйтерсең канатларда очтылар! Молодцы!
– Ооо, мин үземнән мондый нәтиҗә көтмәгән идем, – дип көлә Адель. – Катнашасым да килмәгән иде. Чөнки чаңгыга караганда чана белән дусрак мин.  Ярый әле ризалаштым, шундый ошады! Бигрәк тә алда баручыны куып җитеп узып киткәндә күңелле.
Күңеле төшкән бер баланы да күрмәдем мин биредә. Хәтта егылып, артта калучыларның да авызлары ерык иде. Яшь спортсменнарга бәяне физкультура укытучылары, 4нче балалар һәм яшүсмерләр спорт мәктәбе тренерлары куйды. Ярыш нәтиҗәләре буенча иң шәп чаңгычылар һәм мәктәп командасы билгеләнде, аларга дипломнар һәм медальләр тапшырылды. Чарага йомгак ясагач та, балалар таралышмады әле, чөнки алар өчен чәй табыны әзерләнгән иде, рәхәтләнеп сусауларын бастылар, бер-берсе белән аралашып, күңелле ял иттеләр.

Илcөя Завилейская фотолары.


Ярыштан фоторепортажны рәхим итеп карагыз.

Нравится
Поделиться:
Реклама
Комментарии (0)
Реклама
  • 23 октябрь 2017 - 14:24
    Защити себя!
  • Тормышыгызда нәрсәләрне үзгәртер идегез?
    4 кеше тавыш бирде
  • Мин авылны сайлыйм!
  • «Ашыгырга ярамый, без бит балаларны йөртәбез!»
  • Яшел Үзәндә төрле милләт балалары татар телендә шигырьләр укыды
  • «Дуслар чабышы» Маяк спорт комплексында узды
  • Бакырчыда Мәүлид бәйрәме
  • Яшел Үзән пассажир автотранспорт предприятиясендә ничек бәйрәм иттеләр?
  • Авыр атлетлар кабат Яшел Үзәндә
  • Бакырчыда каз өмәсе
  • Яшел Үзән полициясе бәйрәм итте (ФОТОРЕПОРТАЖ)
  • Газовикларның риск зонасына васильеволылар да эләгә
  • 19 апрель 2018 - 13:52
    Сабан туе көннәре билгеле булды
    Быел, халыкның иң яраткан һәм бүгенге көнгә килеп җиткән иң борынгы йола-бәйрәмнәренең берсе булган Сабантуй, Рамазан ае тәмамлангач булачак.
    499
    0
    1
  • 20 март 2018 - 15:31
    Игътибар! Түбән Урысбага авыл җирлегенә сәркатип кирәк.
  • 1 ноябрь 2017 - 10:53
    БЕЗ СЕЗНЕ КӨТӘБЕЗ! Белдерүләрегезне 5-67-02 телефоны аша яки Гоголь ур, 23а йортына килеп калдыра аласыз.
Ночной режим