Яшел Үзән

Менделевич: Гражданнарның психик сәламәтлеген саклау буенча федераль проект кирәк

Парламентарий билгеләп үткәнчә, коронавирус пандемиясе программа булдыру кирәклеген исбатлаган.

Россиялеләрнең психик сәламәтлеген саклау өчен федераль проект кирәк. Бу хакта Дәүләт Думасының сәламәтлек саклау комитетының "Сәламәтлек саклау" милли проектын закон чыгарып гамәлгә ашыруны мониторинглау буенча эш төркеме киңәшмәсендә РФ Дәүләт Думасы депутаты Борис Менделевич белдерде.

"Бездә гражданнарның психик сәламәтлеген саклауга юнәлдерелгән федераль проект юк әле. Аның кирәклеге пандемия шартларында көн саен стресс, массакүләм депрессия һәм гражданнарның чынбарлыкка тискәре мөнәсәбәте шартларында ачык күренә ", - дип билгеләде депутат.

Табиб-психиатр сүзләренчә, стресс дәрәҗәсе өлкән яшьтәге эшчеләрдә югары һәм бу фактны "Демография" илкүләм проекты турында сөйләшкәндә исәпкә алу мөһим.

"Изоляция шартларында булган кешеләр үзләренең гадәтләрен, яшәү рәвешен үзгәртергә мәҗбүр, бу котылгысыз гомуми психоэмоциональ халәтнең үзгәрүе белән бергә бара һәм хроник авыруларның кискенләшүендә дә, гомуми физик сәламәтлектә дә чагылыш табачак", - дип аңлатты Менделевич.

Менделевич Бөтендөнья сәламәтлек саклау оешмасы мәгълүматларын китерде, алар нигезендә дөньяда барлык авыруларның 50% ы - психосоматик тайпылышлар нәтиҗәсе.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: