Мартта илебез хезмәтчәннәрен 8 Март - халыкара хатын-кызлар көне белән бәйле өстәмә ял көне көтә.
Быел 8 март эш көненә туры килә. Россия хөкүмәте 2015 елның 24 сентябрендә кабул иткән карар буенча 3 гыйнварга туры килгән ял көне 7 мартка күчерелә.
Шулай итеп, атнага биш көн эшләүчеләр өчен 5,6,7 һәм 8 март - ял көннәре булып исәпләнә, дип хәбәр итте ТР Хезмәт, халыкны эш белән тәэмин итә һәм социаль яклау министрлыгының матбугат хезмәте.
