Яшел Үзән

Каюм Насыйри исемендәге конференция халыкара дәрәҗәдә узды

Күптән түгел Яшел Үзән шәһәребезнең 10 нчы гимназиясендә яшьләрнең Каюм Насыйри исемендәге XV халыкара фәнни-тикшеренү конференциясе узды. Конференция икенче ел инде халыкара дәрәҗәдә үткәрелә.

Конференцияне оештыручылар: ТР Мәгариф һәм фән министрлыгы, Казан (Идел буе) федераль университеты, Каюм Насыйри институты, район башкарма комитетының мәгариф идарәсе, Бөтендөнья Татар конгрессы башкарма комитетының район бүлекчәсе, шәһәребезнең 10 нчы гимназиясе.
Конференциядә катнашу өчен 700 эш кабул ителгән иде, 250 эш II нче турга узды. Барлык эшләр Казан (Идел буе) федераль университеты, Татарстан Республикасы Фәннәр академиясе, Г.Ибраһимов исемендәге Тел, әдәбият һәм сәнгать институты, Россия ислам институты, Лев Толстой исемендәге Филология һәм мәдәниятара багланышлар институты галимнәре тарафыннан тикшерелде.
Конференциядә Россия Федерациясе регионнары: Саратов, Пенза, Перьм, Әстерхан, Ростов, Оренбург, Түбән Новгород, Ульян өлкәләре, Якутия, Мордва, Мари һәм Чуваш Республикасы, Мәскәүдән; шулай ук Татарстан Республикасының Яшел Үзән, Арча, Әтнә, Балтач, Кама Тамагы, Лениногорск, Мамадыш, Сарман, Теләче, Чистай, Яңа Чишмә, Яр Чаллы районнарыннан укытучылар һәм укучылар катнаштылар.
Быел конференциядә катнашучыларның исемлеге тагын да киңәйде, Япониядән, Төркиядән, Кытайдан, Индонезиядән, Казахстаннан, Үзбәкстаннан, Кыргызстаннан, Латвиядән килеп университетта укучы студентлар һәм магистрантлар, Ираннан килеп университетта эшләүче Алави Абдулракиб Абдулмажид катнаштылар. Чит ил яшьләре Татарстанга татар телен өйрәнер өчен килүләре, Татарстанга гашыйк булулары турында сөйләделәр, татарча җырлар да җырладылар. Шулай ук алар секцияләрдә чыгыш ясадылар.
Галимнәр чыгышлары аеруча кызыксыну уятты. Казан федераль университеты профессоры, филология фәннәре докторы, академик, Татарстанның атказанган фән эшлеклесе Хатыйп Миңнегулов һәм филология фәннәре докторы, профессор, әдәбият галиме, Г.Ибраһимов исемендәге Тел, әдәбият һәм сәнгать институтының баш гыйльми хезмәткәре Зөфәр Рәмиев кызыклы мәгълүматлар турында сөйләделәр.
Секцияләрдә укучыларның чыгышларын Казан федераль университеты, Россия ислам университеты, Казан педагогия көллияте, Казан энергетика көллияте галимнәре, Татарстан Язучылар берлеге әгъзалары бәяләделәр.
Гимназия коллективына милли мәгарифне үстерүгә керткән хезмәтләре өчен Саратов һәм Ульян өлкәләре мәгариф идарәләренең Рәхмәт хатлары тапшырылды.
Конференция эшенә югары бәя бирелде.
Роза Сәлахова,
мәгариф идарәсе укыту-методик бүлегенең милли мәгариф һәм төбәкара хезмәттәшлек буенча методисты

Нравится
Поделиться:
Реклама
Комментарии (0)
Реклама
  • 23 октября 2017 в 14:24
    Защити себя!
  • Сез үз тормышыгыз белән канәгатьме?
    Проголосовало 56 человек
  • Яшел Үзән пассажир автотранспорт предприятиясендә ничек бәйрәм иттеләр?
  • Авыр атлетлар кабат Яшел Үзәндә
  • Бакырчыда каз өмәсе
  • Яшел Үзән полициясе бәйрәм итте (ФОТОРЕПОРТАЖ)
  • Газовикларның риск зонасына васильеволылар да эләгә
  • Безнең кораблар Гарәп диңгезен иңли башлады
  • Маякта йозлэгэн казый жыелды. Нэрсэ булган???
  • МЕТЕОРда балалар өчен оештырылган ярыш
  • Юныс Сафиуллин белән очрашу кичәсе
  • 12 декабря 2017 в 14:51
    Прогресс – табигать законы
    Һәр яшел үзәнлене эш урынына һәм өйгә, поликлиника яки мәктәпкә, азык-төлек базарына, йә булмаса поездга вакытында алып барып җиткерү өчен иртә таңнан торып, төнгә кадәр эшләү – Яшел Үзән пассажир автотранспорты предприятиесе хезмәткәренең бурычы. Мактаулы юбилей көннәрендә, күңел бәйрәм сорый.
    70
    0
    1
  • 1 ноября 2017 в 10:53
    БЕЗ СЕЗНЕ КӨТӘБЕЗ! Белдерүләрегезне 5-67-02 телефоны аша яки Гоголь ур, 23а йортына килеп калдыра аласыз.
  • 9 декабря 2017 в 18:07
    Соңарган әманәт Авылыбызның үткәне турында истәлекләр туплаганда күп кенә материалны Рабига апа Дәминовадан яздырып алган идек. Ул сугыш елында һәм соңрак та авыл Советы рәисе булып эшләгәнгә, авылның яшәешен, сулышын белгән кеше. Мәктәптәге очрашуларда аның төгәл көне-сәгате белән хәтерләп әйткән, сөйләгәннәре күз алдымда.
    304
    1
    3
  • 9 декабря 2017 в 20:22
    Әйдәгез, тормышны сайлыйк! Хәрәкәттә – бәрәкәт, диләр. Бу, чынлап та, шулайдыр. Дәү әниемнең сеңлесе 105 яшендә дөнья куйды. Шул орчык кадәр, катырак җил чыкса, очып китәрдәй карчыкның тик торганын хәтерләмим. 100 яшенә кадәр үзен-үзе карап, мунчасын ягып, тавыклар асрап яшәде. Сиксәненче дистәне ваклаучы кызын гел «утырма, йөр, йөрмәгәнгә авырта синең ул аякларың» дип тиргәр иде.
    218
    0
    0
  • 9 декабря 2017 в 15:02
    Яшел Үзән шәһәрендә истәлекле вакыйга 16 ел элек нигез салына башлаган һәм бөтен шәһәр халкы, предприятиеләр ярдәме белән төзелеп сафка баскан һәм шәһәрнең архитектура үзәгенә әверелгән үзәк мәчет - Җәмигъ мәчете рәсми ачылды.
    188
    0
    2
  • 9 декабря 2017 в 12:32
    Яшел Үзән районында “Лексус” һәм йөк машинасы “маңгайга-маңгай” бәрелешкән Юл һәлакәте Яшел Үзән районында М7 федераль трассаның 746нчы чакрымында булган.
    178
    0
    0
  • 9 декабря 2017 в 11:17
    Салават Фәтхетдинов быелгы «Татар җыры»нда катнашу турында: «Минем башка анда чыгыш ясарга теләгем юк» Былтыр узган «Татар җыры» башкалардан аерылып торды: берьюлы ике «барс» алганнар булды, мәрхүмә Хәния Фәрхигә беренче «барс»ын кабат тапшырдылар һәм... тамашада Салават Фәтхетдинов чыгыш ясамады. Ул көнне эстрадабыз мэтры Мәскәүдә сольный концертын куйды. Әлбәттә, аның булмавы күпләрне шаккатырды.
    174
    0
    0
  • 10 декабря 2017 в 10:09
    Яшел Үзән сандугачы «Татар моңы» җиңүчесе Казанда «Пирамида» күңел ачу үзәгенең концертлар залында IX «Татар моңы» халыкара яшь башкаручылар телевизион конкурсының гала-концерты зур күтәренкелек белән узды. Татар моңын, татар җырын яратучылар белән зал шыгрым тулы иде.
    148
    0
    1
  • 11 декабря 2017 в 11:36
    Айдар Галимов кызы Айгизәнең җырлавына ник каршы? Айгизәнең инстаграмдагы аккаунтына язылучылар, аның киенүе, җырлавы Риананыкын хәтерләткәнен белә. Чит илдә болай киенү нормаль күренеш булса, татар-башкорт мохитендә моны аңламаучылар да бар.
    129
    0
    0
  • 10 декабря 2017 в 13:09
    Язылмыйча булдыра алмый, ничә яшьтә булса да Хөрмәтле «Яшел Үзән» редакциясе! Сезгә Вәсилә Шакирова исеменнән аның кызы яза.
    119
    0
    0