Яшел Үзән

Изоляция чорында гражданнарга рөхсәт бирү өчен махсус сервис булдырылачак

«Интернет-портал әле эшләнеп бетмәгән, шуңа күрә аңа мөрәҗәгать итәргә кирәкми», - диде ТР Президентының матбугат хезмәте җитәкчесе Лилия Галимова.

Татарстанда изоляция чорында гражданнарга рөхсәт бирү өчен махсус сервис булдырыла. Сovid19.tatarstan.ru сервисы якын көннәрдә эшли башлар дип көтелә. Ул гражданнарга күченеп йөрү тәртибен аңлатачак һәм тиешле белешмәләр бирәчәк. ТР Президентының матбугат хезмәте җитәкчесе Лилия Галимова «Татар-информ» агентлыгына шул хакта хәбәр итте.

«Якын көннәрдә республикада карантин чорында гражданнарның күченеп йөрү тәртибен билгели торган регламент булдырылачак. Шулай ук интернет-портал эшли башлаячак. Аның ярдәмендә татарстанлыларга өйдән чыгу өчен рөхсәт документы бирелә. Интернет-портал әле эшләнеп бетмәгән, шуңа күрә аңа мөрәҗәгать итәргә кирәкми. Сайт эшли башлагач, бу хакта республика халкына оператив төстә хәбәр итәчәкбез», - диде Галимова.

https://www.tatar-inform.ru/news/politics/31-03-2020/v-tatarstane-sozdayut-servis-dlya-vydachi-razresheniy-grazhdanam-v-period-samoizolyatsii-5732812

 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: