Яшел Үзән

Җитәкчелек һәм тәрбия

2014 елдан шушы көнгә кадәр шәһәр һәм зона урта мәктәпләренең милли тәрбия буенча директор урынбасарларын район милли-мәдәни үзәгенең киңәйтелгән утырышына чакырганыбыз юк иде әле.

Чөнки дүрт ел буена авыл проблемалары һәм балалар бакчаларында тәрбия бирүдә ата-аналарның милли-мәдәни мирасыбызны, телне үстерү, саклау буенча шактый файдалы хезмәтләр башкарырга туры килгәнлектән җыела алмаган идек. Ниһаять, районыбыз өчен үзенчәлекле һәм гаять әһәмиятле Габдулла Тукайның тууына – 132 ел тулу уңаеннан, мәктәпләребездәге әзерлек эшләре турында «Тукай – төбәгебез горурлыгы» дигән проект буенча сөйләшү, аңлашу булып узды. Бакча, мәктәп тәрбиясенең җитәкчелек тарафыннан куелышы Яшел Үзән районы буенча канәгатьләнерлек һәм, аеруча ихластан күңел биреп иҗади эшләгән җитәкче, укытучыларыбыз да куандыра.
Бу хакта, әле безнең эшләребез төгәлләнгәч, тулырак яктыртырга исәбебез барлыгын әйтү кирәктер. Май бәйрәмнәрен уздыргач, матур очрашуга өметебез бар, Аллаһ боерса.
Әмма күңелне тырнап торган милли-мәдәни мирасыбызга, телебезгә карата булган, аңлатып бетерә алмый торган хатабызны бакча һәм мәктәп коллективы авыр кичерсә дә, киләчәккә өметләребез зурдан, шуңа күрә төп хәлиткеч проектларыбызны район мәгариф идарәсенең ярдәменә таянып, милли-мәдәни үзәгенең тырышлыгы, ихласлыгы шартларында, акыллашып алулар тиешле системага салынуы да, киләчәккә «Юл карта»бызны тормышка ашыру 2020нче елга кадәр нигезле билгеләдек. Бу «Юл картасы» кысаларында «Норлат милли-мәдәни комплексын» булдыру, без бакча һәм мәктәп тәрбия­челәренең иң зур максаты дип аңлыйбыз. Урыс милләтендәге яшьләребез өчен «Раифа», «Зөя» тыюлыгына тәңгәл булырлык тәрбия үзәге милләттәшләребезнең киләчәге өчен һава кебек кирәклеген аңлар заманыбыз туды. Татарның милли зыялылары менә шушы залда киңәшләшергә җыелабыз да инде. Бу иҗади хезмәтебезнең нигез ташын Габдулла Тукай иҗаты мирасында тою (нюх) кирәк, ә минем хезмәтемнең таяну ноктасы Габдулла Тукай, Каюм Насыйри һәм башка бик күп Яшел Үзәндәге күренекле шәхесләребезнең узганы биләп тора да инде. Бу пафос кына түгел, ә, чыннан да, шулай икәнен утыз ике ел буена күрсәтәбез, әмма...

Клара Филиппова,
Яшел Үзән муниципаль районы Габдулла Тукай исемендәге милли-мәдәни үзәге җитәкчесе

 

Нравится
Поделиться:
Реклама
Комментарии (0)
Реклама
  • 23 октябрь 2017 - 14:24
    Защити себя!
  • Тормышыгызда нәрсәләрне үзгәртер идегез?
    15 кеше тавыш бирде
  • Мин авылны сайлыйм!
  • «Ашыгырга ярамый, без бит балаларны йөртәбез!»
  • Яшел Үзәндә төрле милләт балалары татар телендә шигырьләр укыды
  • «Дуслар чабышы» Маяк спорт комплексында узды
  • Бакырчыда Мәүлид бәйрәме
  • Яшел Үзән пассажир автотранспорт предприятиясендә ничек бәйрәм иттеләр?
  • Авыр атлетлар кабат Яшел Үзәндә
  • Бакырчыда каз өмәсе
  • Яшел Үзән полициясе бәйрәм итте (ФОТОРЕПОРТАЖ)
  • Газовикларның риск зонасына васильеволылар да эләгә
  • 20 март 2018 - 15:31
    Игътибар! Түбән Урысбага авыл җирлегенә сәркатип кирәк.
  • 1 ноябрь 2017 - 10:53
    БЕЗ СЕЗНЕ КӨТӘБЕЗ! Белдерүләрегезне 5-67-02 телефоны аша яки Гоголь ур, 23а йортына килеп калдыра аласыз.
Ночной режим