Яшел Үзән

Гыйнвар ялларында почта бүлекләре ничек эшли

Бәйрәм көннәрендә почта бүлекләре яңа график буенча эшлиячәк. Шулай итеп, 31 декабрь һәм 6 гыйнвар почта бүлекләрендәге эш көне 1 сәгатькә кыскартылачак. Ә 1 һәм 7 гыйнвар көннәре бөтен республика буенча почта бүлекләренең рәсми төстә ял көне дип игълан ителә.

2 гыйнварда 10нан 14 сәгатькә кадәр "Тандем" сәүдә күңел ачу үзәгендәге (Казан, Ибраһимов проспекты, 56) почта бүлеге эшлиячәк. Калган почта бүлекләре өчен бу көн ял дип игълан ителә. Ә инде 3 гыйнвардан 11енә кадәр барлык почта бүлекләре дә гадәти режиимда эшлиячәк.

Моннан тыш өзлексез һәм вакытында пенсия, пособие акчаларын, матбугатны китерү кайбер авыл җирлекләрендә РФ Пенсия фонды белән килешкән график белән эшләргә мөмкин, дип хәбәр итә "Татарстан почтасы" УФПС матбугат хезмәте.

Нравится
Поделиться:
Реклама
Комментарии (0)
Осталось символов: