Яшел Үзән

Гребеней М12 трассасы маршруты экологиягә иң аз йөкләнеш китерә

Мәскәү - Казан автотрассасын төзү буенча эш төркеме маршрут узуның өч вариантын карады.

М12 Мәскәү - Казан тизйөрешле автомагистрален трассировка проекты Гребени авылы янында экологиягә иң аз зыян китерә, чөнки саклана торган бары тик бер генә табигый территориягә кагыла. Бу хакта «Гипростроймост институты - Санкт-Петербург» АҖ вәкиле Андрей Резвяков автомобиль юлларын төзү буенча эшче төркем утырышында хәбәр итте.

Проектант сүзләренчә, башта Гребени һәм Кызыл Байрак торак пунктларында төзелергә мөмкин трассировканың өч варианты каралган. Ул картада трассировкаларны күрсәтте, алар кызыл, зәңгәр һәм шәмәхә төскә буялган. Зәңгәр һәм шәмәхә сызык Идел аша Гребеней күпере төзүне күздә тота, кызыл вариант Кызыл Байрак янындагы күпер салуга исәпләнгән.

"Трассаның зәңгәр варианты бары тик бер саклана торган табигый территорияне - „Идел киңлекләрен“, ә кызыл вариант өч саклана торган табигый территориягә керә: „Лесной ключ", "Идел киңлекләре“ һәм "Лабышка таулары“, - диде Резвяков.

Аның сүзләренә караганда, Кызыл Байрак авылы янында күпер салу өчен 75 метр биеклектәге Идел ярын кырырга кирәк булачак. "Ягъни, әгәр нормативларны саклап, грунт коелмасын өчен откослар ясасак, безгә 250 - 300 метр киңлеккә ачарга кирәк булачак, бу Лабышка тауларына кагылачак. Гребени авылы тирәсендә казылмаларның тирәнлеге 45 метр тәшкил итә. Күпернең биеклеге ике вариантта да бертөрле, чөнки күпернең терәк баганалары арту проектның кыйммәтләнүенә китерә", - дип аңлатты проект институты вәкиле.

Андрей Резвяков, шулай ук, раслаганча, вариантлар сайлаганда Татарстан Республикасы үсешенең гамәлдәге генераль планы исәпкә алынган.

"Трассаның зәңгәр һәм шәмәхә вариантлары Казанның көньяк читлеге кәүсәсендә 24 чакрым дәвамында урнашкан. Бу территориаль планлаштыру схемасында резервланган коридор ", - дип ассызыклады проектлаучы.

ТР транспорт һәм юл хуҗалыгы министры Фәрит Хәнифов билгеләп үткәнчә, автомобиль юлының кайда узуы турында ахыргы нәтиҗәләрне ясарга әле иртәрәк.

"Бездә элеккегә караганда тыгызрак булган контакт җайга салынган, РФ Хөкүмәте тарафыннан расланган территориаль планлаштыру схемасы бар, без аларны күрсәтергә һәм трассаның дөрес булуын расларга тиеш", - диде Хәнифов.

Ул ассызыклаганча, эш төркеме юл төзелеше технологиясе мөмкинлек биргән очракта, трасса кысаларында зур булмаган тайпылышларны караячак. Татарстан Дәүләт Советында бүген Мәскәү - Казан тизйөрешле автомагистрален төзү буенча эшче төркем утырышы узды. Төркем составына Казанның кайбер министрлыклары һәм ведомстволары вәкилләре, шулай ук автомагистраль төзелергә мөмкин булган торак пунктларда яшәүчеләр керә.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: