Яшел Үзән

Газета-журнал укудан ләззәт табалар

Яшерен-батырын түгел, хәзерге мәгълүматлы, мәшәкатьле, тынгысыз һәм интернетлы заманда, газета укыр­га вакыт калмый.

Чөнки безне социаль челтәрләр, телевидение «йота». Кешеләр хәзер күзгә-күз карашып аралашырга да вакыт тапмый. Шуңа да инде район газеталарын язылып алдыручыларның кимүенә аптырарлык түгел.  Югыйсә, яңа гына килеп төшкән газетаны кулга тотып уку ләззәтен бернәрсә дә алмаштыра алмый. Шулай да, бар әле безнең тирәдә газета-журналларны көтеп алучылар, бар. Берне түгел, дистәләгәнне алдырып, яратып укучылар.
Ел саен унбишләп басма яздырып ала икән Күгәй авылында яшәүче Фәрит, Фарсат һәм Фәргать Әхмәдуллиннар гаиләсе. Дус-тату, бер-берсенә булышып  яшәүче өч бертуганның берсе - Фарсат белән миңа очраклы рәвештә  Күгәйгә халык җыенына баргач күрешеп сөйләшергә туры килде. Өйләренә кадәр үк барып  җитә алмасам да тырыш, алдынгы карашлы, ярдәмчел, кешелекле һәм туган җанлы кешеләр булуын аңладым. Авылдашлары да моны хуплады.
Кибеттә сатучы Фарсат Әхмәдуллин көне буе халык белән эшли, авылдашларын ачык йөз белән каршы ала. Ул хәтта кемгә нинди товар кирәген дә белә. Алдан хәстәрләп куйган вакытлары да еш була. Игътибарлы чөнки, авылдашларын хөрмәт итә белә. Өендә нинди мәрхәмәтле, эшендә дә шундый.  
– Безнең  үз традициябезгә хыянәт иткәнебез юк, подписка саен унбиш газета-журналга язылабыз, – ди Фарсат үзе. – Әле алары да җитми, сугыша-сугыша укыйбыз. Әмма район газетасы «Яшел Үзән» –  беренче чиратта.
Әлбәттә, авылда эш күп, бик күп. Терлек-туа­рын асрасаң, кош-кортын үрчетсәң мәшәкате тагын да өстәлә. Фарсат сөйләгәнчә, ул Фәрит абыйсының авыру кызын – Фәридәне  карарга да нык булыша икән. Бергә-бергә авыр­лыкларны җиңүе җиңелрәк. Ирле-хатынлы Лилия һәм Фәрит Әхмәдуллиннар үзләре «Күгәй» кооперативы фермасында терлекче булып эшләгәч, әлбәттә, вакытлары да чикле. Үз хуҗалыкларында да  бергәләшеп 6 сыер, һәм бозаулар да асрагач, мәшәкате тагын да арта. Боларына 60 сотыйга якын  җир участогын да өстәсәң, ял итеп утырырга түгел, йок­ларга да  вакытлары калмый. Әмма газета укырга дисәң, вакыт табыла!
– Яшелчәсен күп утыртабыз, сарык­лар да асрыйбыз, – дип сөйли Фарсат. –Бәрәңгенең ел саен бер тоннасын сатабыз. 40лап үрдәгебез дә була. Анысын инде нигездә үзебез өчен тотабыз. Шулай үзебезнең көч белән яшәргә күнеккән инде без. Зарланып тору гадәте юк. Сыер асрагач, аның бозаулары да булмый калмый, сөте дә. Сөтне тапшырабыз, арзан булса да.
Ничек барысына өлгерә икән соң болар дип уйлап куйдым Фарсат сөйләгәндә. Бәлки, аларга әниләре шундый тәрбия бирә алгандыр.  «4 малай әтисез үстек», – ди бит Фарсат.     
 Менә шулай үз тырышлыклары белән мул тормышта яшәп ята, бертуган Әхмәдуллиннар. Эшле кешенең ашы бар, диләр. Хәзер бит авыл җирендә дә мал-туар асрау гадәте югалып барганда алар газеталарны күпләп алдырган кебек терлекчелектән ваз кичмәгәннәр, кыенлыкларны  элеккеге гадәт буенча җиңәргә өйрәнгәннәр. Күгәй авылының  шундый эшлекле кешеләре белән горурланырлыгы бар. Авылның терәге дә бит әле алар. Гореф-гадәтләр өстен торган гаиләләргә гадәттә заман зур йогынты ясый алмый.Нинди генә авыр­лыклар  белән сынама, алар барыбер сынмый, үз дигәннәренә һичшиксез ирешә. Максат куелган, эш эшләнгән, нәтиҗәсе – күз алдында.

Нравится
Поделиться:
Реклама
Комментарии (0)
  • 23 май 2018 - 17:48
    Чәчү дәвам итә Районда язгы кыр эшләре тулы куатенә бара.
    47
    0
    0
  • 23 май 2018 - 16:35
    Кече Шырданлылар бердәмлеген күрсәтте «Шәһри Казан» газетасы оештырган «Безнең авыл-2» бәйгесенә йомгак ясалды.
    76
    0
    0
  • 23 май 2018 - 16:31
    Картлыкны тоткарлаучы 8 ризык Кемнең генә  яшь каласы килми икән. Сезнең игътибарга картлыкны  тоткарлаучы кайбер ризыкларны тәкъдим итәбез.
    27
    0
    0
  • 23 май 2018 - 15:30
    POZIS укрепляет сотрудничество с Национальным музеем Республики Татарстан Компания POZIS (АО "ПОЗиС"), входящая в Концерн "Техмаш" Госкорпорации Ростех, трепетно относится к поддержке очагов культурного наследия и откликается на их просьбы. Так, недавним подарком от предприятия казанскому Музею-квартире им. Мусы Джалиля стал холодильник POZIS.
    41
    0
    0
  • 23 май 2018 - 14:20
    Июньдә өстәмә ике көн ял итәчәкбез Июньдә безне ике өстәмә ял көне көтә. Россия Федерациясенең Хезмәт кодексының 112 маддәсе буенча, 12 июнь – Россия көне – бәйрәм ял көне булып тора, дип яза Казан мэриясе сайты.
    61
    0
    0
  • 23 май 2018 - 12:39
    Вакцинация кешелекне йогышлы авырулардан коткара Бүгенге көндә вакцинациягә караш үзгәреп бара. Аның зыяны күп дип ясатмаучылар да бар. Әмма вакцина кайчандыр кешелекне бик куркыныч йогышлы авырулардан саклап калган.
    42
    0
    0
  • 23 май 2018 - 10:07
    Тузганак вареньесының файдасы һәм зыяны Бүген һәр уңган хуҗабикә тузганак вареньесы ясап калырга ашыга. Аның рецептлары  белән интернет тулган. Ә без аның зыянлы якларын да күрсәтергә булдык әле.
    73
    0
    0
  • 23 май 2018 - 09:02
    Телебез – кыл өстендә Туган телебез - татар теле турында  сөйләшүләр  мәгариф өлкәсендә  генә түгел, башка  өлкәләрдә зур  урын алып килә. Татар теле  дәресләренең укытылуы Татарстаныбызда  кабул ителгән законнарга туры килмичә, ирекле -  ата-аналар карамагына  гына  калдырылуы  бөтен татар җәмәгатьчелеген тетрәндерде.Татар җәмәгатьчелеген дим,ә татар җәмәгатьчелегендә  кемнәр генә юк соң?
    45
    1
    0
  • 23 май 2018 - 08:24
    Бала хокуклары буенча сорауларыгыз булса 28 майда 9дан 17 сәгатькә кадәр Татарстан Республикасында бала хокуклары буенча вәкаләтле вәкил аппаратында кайнар линия оештырыла.
    48
    0
    0
  • 22 май 2018 - 17:30
    Мирный бистәсендә вакытлыча су бетә Мирный микраройонында, планлы ремонт эшләре бару сәбәпле, берничә йортта кайнар су бетә. Бу хакта Яшел Үзән җылылык челтәре предприятиесе хәбәр итә.
    91
    0
    0
  • 22 май 2018 - 16:25
    Яшел Үзән районында ике яшьлек бала автобустан егылып төшкән Гадәттән тыш хәл Васильево бистәсендәге 43нче йорт каршында иртәнге якта булган.
    135
    0
    0
  • 22 май 2018 - 15:17
    Яшел Үзәндә яңа баш табиб Бүген Яшел Үзән районының үзәк район дәваханәсенең баш табибы билгеле булды. Ул – Сабурская Татьяна Вячеславовна.
    182
    0
    3
  • 22 май 2018 - 14:09
    Безнекеләр – чемпион Яшел Үзән спортчылары пауэрлифтинг буенча дөнья беренчелеге һәм чемпионатыннан, ә ул Африкадагы Почефострум шәһәрендә узды, иң яхшы спортчылар исеменә лаек булып кайттылар.
    85
    0
    0
Реклама
  • 23 октябрь 2017 - 14:24
    Защити себя!
  • Тормышыгызда нәрсәләрне үзгәртер идегез?
    39 кеше тавыш бирде
  • «ЯҮ» журналистлары язгы кыр эшләре барышы белән танышты!
  • Яшел Үзән – Җиңү язы һәркем күңеленә яшәү дәрте, рухи көч өсти
  • Мин авылны сайлыйм!
  • «Ашыгырга ярамый, без бит балаларны йөртәбез!»
  • Яшел Үзәндә төрле милләт балалары татар телендә шигырьләр укыды
  • «Дуслар чабышы» Маяк спорт комплексында узды
  • Бакырчыда Мәүлид бәйрәме
  • Яшел Үзән пассажир автотранспорт предприятиясендә ничек бәйрәм иттеләр?
  • Авыр атлетлар кабат Яшел Үзәндә
  • Бакырчыда каз өмәсе
  • 8 май 2018 - 10:44
    Сатам Авылда йорт сатам.
  • 8 май 2018 - 10:27
    Сатам ЖБИ-кольца, брусчатка заводского производства.
  • 20 март 2018 - 15:31
    Игътибар! Түбән Урысбага авыл җирлегенә сәркатип кирәк. Югары хезмәт хакы.
Ночной режим