Яшел Үзән

"Фермер мәктәбе»ндә гамәли дәресләр башланды

Татарстан Республикасы Авыл хуҗалыгы һәм азык-төлек министрлыгы «Фермер мәктәбе»ндә гамәли дәресләр башлануы турында хәбәр итә.

Укулар Яшел Үзән районында Кадрия Лотфуллина КФХ базасында узды. Предприятие кош – күркә ите, шулай ук бройлерлар ите һәм аны эшкәртү белән шөгыльләнә.

Эшмәкәрлек эшчәнлеген оештыру һәм алып бару мәсьәләләре турында КФХ башлыгы Лотфуллина сөйләде.

Курс барышында тыңлаучылар кош ите җитештерү процессында яшь кошларны ашату һәм сугым цехы эше белән таныштылар.

"Кошчылык фабрикасы буенча экскурсия һәм аның хуҗасы белән очрашу минем өчен аеруча тәэсирле булды. Шулкадәр мавыктыргыч һәм кызык булды ки, аз гына вакыт эчендә без үзебезне борчыган барлык сорауларга да җавап алдык. Мин үзем өчен бик күп файдалы мәгълүмат, аерым алганда, ветеринария буенча яңалык ачтым. Мондый уңышлы фермерлар белән очрашу яңа эш башлаган авыл хуҗалыгы җитештерүчеләрен югары нәтиҗәләргә ирешүгә рухландыра", – дип тәэсирләре белән уртаклашты Лаеш районы фермеры Елена Нигъмәтҗанова.

Очрашу ахырында тыңлаучылар фермер хуҗалыгының үзләре җитештергән продукциясен татып карадылар һәм тәэсирләре белән уртаклаштылар. Бу фермер хуҗалыкларының алга таба хезмәттәшлегенә һәм аларның Татарстан Республикасында үсешенә ярдәм итәр дип ышанабыз.

Якын арада укулар Лаеш һәм Биектау районнары крестьян (фермер) хуҗалыклары базасында узачак.

Укуларның гамәли өлешендә 40 күчмә практик дәрес планлаштырылган. Уку йомгаклары буенча катнашучылар “фермер хуҗалыгы агробизнесы” өстәмә белем бирү программасы буенча дәүләт үрнәгендәге диплом алачак.

ТР Авыл хуҗалыгы һәм азык-төлек министрлыгының матбугат хезмәте.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: