Яшел Үзән

Бәхетнең башы – хатыннан уңу (2нче кисәк)

Яшел Үзән ветеринария станциясенең баш врачы, Мәхмүт абый гаиләсе белән шәһәргә китә. Лаеклы ялга чыкканчы шунда эшли. Әниләре бик картаеп, авылда үзенә генә көн күрүе авырлашкач, Гөлсинә апа да, «Спартак»та 36 ел хезмәт стажы белән, бер ел алдан пенсиягә чыгаруларын үтенеп, гариза яза.

Шулай итеп, яңадан Татар Исламына кайтып төпләнәләр. Бик тырыш, тәртип­ле балалар үстергәннәр алар. Кызлары Лилия - медик, Яшел Үзәндә томография кабинетында шәфкать туташы булып эшли. Уллары Әмир - инде 15 ел буе «Тау Иле» хуҗалыгы җитәкчесе. Ата-ананың иң зур кайгысы - бала хәсрәте дә кичерергә язган аларга Аллаһ Тәгалә: Ибраһим исемле уллары вакытсыз җир куенына керә. Төпчекләре Илһам әтисе эшен дәвам итүче - 10 еллап Норлатта ветеринар булып эшли.
- Хәзер яшьләр эшләмәскә өйрәнде. Эш урыны юк, диләр дә, шәһәргә китәләр. Авылда калсаң - эш муеннан! Ялкау булмаска кирәк. Баланың авылда калу-калмавы тәрбиядән килә. Без бик бәхетле, балаларыбыз бөтен эшне белә, - ди Мәхмүт абый. Аның сүзләренә ышанмый мөмкин түгел, чөнки ике улында да туган авылына, җиргә мәхәббәт тәрбияли алганнар алар.
Төп нигезләрендә, уртак балалары Илһам һәм аның тормыш иптәше, Норлат мәктәбендә башлангыч сыйныф укучыларына белем бирүче Алсу тәрбиясендә, кадер-хөрмәттә гомер итәләр. Тәрбия­сендә, дип әйтү дөрес үк тә түгелдер бу очракта, алар әле үзләре дә, шөкер, сау -сәламәт. Киресенчә, балалары тормышында зур терәк, булышчы булып яшиләр. Яннарындагы оныклары 10 яшьлек Кадрия һәм 6 яшьлек Дилбәрне тәрбияләшеп, йорт тирәсендәге эшләрне караштыргалап, эштән арып кайтучы яшьләрнең хезмәтләрен җиңеләйтәләр. Шактый гына оя умарта тоталар (Мәхмүт абый санын сер итеп саклый, чын умартачы аны кешегә әйтергә тиеш түгел, ди), ишегалды тулы мал-туар, кош-корт; бакчасында яшелчә, җиләк-җимеш - бу йортта тик ятарга вакыт та юк, эшсез утыра да белмиләрдер, чөнки эш сөючәнлек - каннарында. Өйләрендә дә хәзерге заманның бөтен уңайлыклары булдырылган.
Бу бик матур, 29 йорты бер урамга сыйган авылны бар итеп торучы берничә гаиләнең берсе - Заһидуллиннар. Мәчеткә йөрүче дүрт бабайның берсе - гыйнвар аенда 75 яшен тутырган Мәхмүт абый. Тиздән биредә дә асфальт юл булачак, калган уңайлыклары бар авылның. Башкаларга үрнәк итеп куярлык тормышлы кешеләр - менә алар. Яшиләр. Авылда. Алга таба да балаларына акыллы киңәшләрен биреп, кадер-хөрмәттә, тугыз оныкка үрнәк дәү әни-дәү әти булып, тигезлектә гомерләренең кышында да сау-сәламәт булып яшәргә язсын.

Гөлнара Вәлиева.

Нравится
Поделиться:
Реклама
Комментарии (0)
Реклама
  • 23 октября 2017 - 14:24
    Защити себя!
  • Тормышыгызда нәрсәләрне үзгәртер идегез?
    Проголосовало 4 человек
  • Мин авылны сайлыйм!
  • «Ашыгырга ярамый, без бит балаларны йөртәбез!»
  • Яшел Үзәндә төрле милләт балалары татар телендә шигырьләр укыды
  • «Дуслар чабышы» Маяк спорт комплексында узды
  • Бакырчыда Мәүлид бәйрәме
  • Яшел Үзән пассажир автотранспорт предприятиясендә ничек бәйрәм иттеләр?
  • Авыр атлетлар кабат Яшел Үзәндә
  • Бакырчыда каз өмәсе
  • Яшел Үзән полициясе бәйрәм итте (ФОТОРЕПОРТАЖ)
  • Газовикларның риск зонасына васильеволылар да эләгә
  • 19 апреля 2018 - 13:52
    Сабан туе көннәре билгеле булды
    Быел, халыкның иң яраткан һәм бүгенге көнгә килеп җиткән иң борынгы йола-бәйрәмнәренең берсе булган Сабантуй, Рамазан ае тәмамлангач булачак.
    499
    0
    1
  • 20 марта 2018 - 15:31
    Игътибар! Түбән Урысбага авыл җирлегенә сәркатип кирәк.
  • 1 ноября 2017 - 10:53
    БЕЗ СЕЗНЕ КӨТӘБЕЗ! Белдерүләрегезне 5-67-02 телефоны аша яки Гоголь ур, 23а йортына килеп калдыра аласыз.
Ночной режим