Яшел Үзән

Безнең завод яшьләре – super!

«Безнең заман - Наше время» эшләүче яшьләрнең республика телевизион иҗат фестивалендә «А.М.Горький исемендәге Яшел Үзән заводы» предприятиесе командасы III урын алып кайтты.

Әле өченче ел гына уздырылучы фестиваль елдан-ел көч туплый, үсә. Быел аның эшендә 100 команда катнашып, нибары 14енә генә суперфиналга чыгу бәхете елмая. Шулай булмыйни, яшьләр иҗатына Россия һәм Татарстанның танылган сәнгать әһелләре - Алексей Булдаков, Александр Фельдман, Дмитрий Туманов, Дмитрий Пивоваров һәм башкалар бәя бирде бит.
Фестивальдә беренче тапкыр гына катнашып та, шушындый зур уңышка ирешүнең сере әлләни ерак яшерелмәгән. Аягында нык басып торучы, оборона сәнәгатендә әйдәп баручы предприятие җитәкчелеге үзенә районның иң талантлы, сәләтле һәм тырыш яшьләрен туплый алган дигән сүз. Эш сәгатьләре тәмамлангач, эштән калып үткәрелгән репетицияләрнең нәтиҗәсе күз алдында.
- «Ак Барс холдинг компаниясе» җәмгыяте дә, завод җитәкчелеге дә зур ярдәм итте. Көндәшләр дә бик көчле иде, әмма безнең уңыш - предприятие ярдәме һәм команданың бердәмлеге нәтиҗәсе, - ди команда лидеры, заводның яшьләр оешмасы җитәкчесе Дмитрий Анисимов.
Фестиваль иҗатка сәләтне, талантларны гына күрсәтмичә, искиткеч җылы очрашуларда башка коллективлар белән танышу, тәҗрибә уртаклашу өчен менә дигән урын да булды. Безнекеләр фестивальдән «КамАЗ» командасы белән дуслашып кайтты.
9 ноябрьдә Яшел Үзән муниципаль район башлыгы Александр Тыгин җиһазлар сатып алу бүлеге белгече Виктория Костинага, баш энергетик бүлегенең инженер-энергетигы Евгений Липатовка, 17нче цех эшчесе Айдар Бикининга, персонал белән идарә итү бүлегенең яшьләр белән эшләү бүлеге белгече Дмитрий Анисимовка Рәхмәт хаты тапшырды.
- III урын - әлләни горурланырлык сәбәп түгел, өйрәнәсе күп әле. Ирешелгәннәр белән генә тукталып калмыйча, үз алдыбызга бер генә максат куябыз, ә ул - киләсе елда Гран-при алу! - ди талантлы эшче яшьләр.
Гүзәл Минһаҗева

Нравится
Поделиться:
Реклама
Комментарии (0)
Реклама
  • 23 октября 2017 - 14:24
    Защити себя!
  • Тормышыгызда нәрсәләрне үзгәртер идегез?
    Проголосовало 5 человек
  • Мин авылны сайлыйм!
  • «Ашыгырга ярамый, без бит балаларны йөртәбез!»
  • Яшел Үзәндә төрле милләт балалары татар телендә шигырьләр укыды
  • «Дуслар чабышы» Маяк спорт комплексында узды
  • Бакырчыда Мәүлид бәйрәме
  • Яшел Үзән пассажир автотранспорт предприятиясендә ничек бәйрәм иттеләр?
  • Авыр атлетлар кабат Яшел Үзәндә
  • Бакырчыда каз өмәсе
  • Яшел Үзән полициясе бәйрәм итте (ФОТОРЕПОРТАЖ)
  • Газовикларның риск зонасына васильеволылар да эләгә
  • 19 апреля 2018 - 13:52
    Сабан туе көннәре билгеле булды
    Быел, халыкның иң яраткан һәм бүгенге көнгә килеп җиткән иң борынгы йола-бәйрәмнәренең берсе булган Сабантуй, Рамазан ае тәмамлангач булачак.
    683
    0
    2
  • 20 марта 2018 - 15:31
    Игътибар! Түбән Урысбага авыл җирлегенә сәркатип кирәк.
  • 1 ноября 2017 - 10:53
    БЕЗ СЕЗНЕ КӨТӘБЕЗ! Белдерүләрегезне 5-67-02 телефоны аша яки Гоголь ур, 23а йортына килеп калдыра аласыз.
Ночной режим