Яшел Үзән

«Бердәм Россия» бер гозерне дә игътибарсыз калдырмый

«Бердәм Россия» партиясенең иҗтимагый мобиль кабул итү хәрәкәте республиканың барлык районнарында эшли башлады.

Иҗтимагый мобиль кабул итү автобуслары интернет, телефон белән тәэмин ителгән, оператив рәвештә эшләү өчен мөмкинлекләр бар.
- Халыкны аеруча социаль проблемалар борчый. Монда юл юклыктан зарны да, урам утының булмавын да ишетәбез. Карамалы Тау бистәсенә өстәмә даруханә кирәклеге хакында язып алдык, - дип сөйли Диләрә Шәрәфиева.
Ул арада яныбызга Мулла Илендә яшәүче Равил абый Шәрәфиев килеп җитте, мөмкинлектән файдаланып, үз фикерен җиткерде:
- Лаеклы ялда булучыларга пенсия акчасын хаклы рәвештә билгеләсеннәр иде. Менә мин гомерем буе Себер якларында эшләп, лаеклы ялга чыккач, туган ягыма кайтып төпләндем. Ни өчендер пенсияне рәсмиләштергәндә 5 ел стажым киселде. Күз буяу өчен пенсиягә 200-300 сум акча өстәп куялар да, шуның белән бетте. Эшләгән кеше лаеклы пенсиясен дә алсын, гаделлек булсын иде, - диде ул, - Сорауларыбыз тиешле кешеләргә барып җитә икән, мондый очрашулар ешрак булса, бик әйбәт, - дип тә өстәп куярга онытмады.
Һәр мөрәҗәгать итүченең исем-фамилиясе, адреслары, телефоны язып алынды. Иҗтимагый мобиль кабул итү активистлары һәр сорауга җавап буласын, бер гозер-теләк тә игътибарсыз калмаячагын ышандырды. Мобиль кабул итү бүлмәсеннән гыйбарәт алты автобус барлыгы 430 тукталыш ясар дип планлаштырыла.
Алия Гаязова

Следите за самым важным и интересным в Telegram-канале Татмедиа


Нравится
Поделиться:
Реклама
Комментарии (0)
Осталось символов: