Яшел Үзән

Бер тартма еланны поездан атып калдырганнар

Шушы көннәрдә Бөгелмә аша узучы «Мәскәү-Чиләбе» поездыннан еланнар тулы тартма ыргытканнар. Җиргә бәрелүдән тартма ярылган һәм еланнар тирә-якка таралган.

«Интерфакс» хәбәр итүенчә, Ульяновскида яшәүче берәү поездда бер еланын югалта. Елан тартмадан чыга да вагон буйлап китә. Йокларга ятарга җыенган бер пассажир ханымның одеялы эченә керә. Хатын кычкыра-кычкыра тамбурга йөгереп чыга. Поездда шау-шу куба. Проводниклар еланны тоталар да җиргә ыргыталар.

Һиндстанда ял иткән бер адәм поездда еланнар тулы тартма алып кайта торган була. Бу шау-шудан куркып ул Бөгелмә тирәсендә башта тартманы ыргыта, аннары үзе сикереп төшеп кала.

Хәзерге вакытта Ульяновск полицейскийлары әлеге инцидентны тикшерә.

Еланнарны тотулары турында хәбәрләр юк.

Следите за самым важным и интересным в Telegram-канале Татмедиа


Нравится
Поделиться:
Реклама
Комментарии (0)
Осталось символов: