Яшел Үзән

Азат Абитов концертында елады (видео)

Ике метрлы ыржыктай ир-егетнең зур сәхнәдә җырлавына бүген алай ук искитмәле хәл дип карамасак та (хәзер кем генә җырламый!), аның хисләрен тыя алмыйча елавын тамашачы тиз генә онытмас. Ә ул җырчының Шыгырдан егете икәнлеген дә әйтсәм, аңлаган укучы шаккатачак.

Сүзнең Рәшит Ваhапов фестивале лауреаты Азат Абитов турында барганлыгын чамалаучыларыгыз булгандыр.

Тамашачы инде аны танырга гына түгел, яратырга да өлгерде. Филармониягә аның беренче зур концертын карарга дип зал тутырып килгән халыкның үз-үзен тотышыннан мин шуны аңладым: тамашачы тыйнак та, ихлас hәм үзенчәлекле дә талантларга сусаган. Шулай булмаса, ул дулкынланып беренче тапкыр зур сәхнәдә имтихан тоткан яшь җырчының хисләрен тыя алмый елавына кушылып үзе дә еламас иде. Әнисенә багышланган җырны аның ана телендә - чуашча җырлаганда Азат яшьләрен яшереп кала алмады. И бу ихласлык, и бу самимилек! Уйнауга, тапталган сәхнә алымнарына корылган күпсанлы тамашалар, туйдырып кына калмыйча, халыкның күңелен дә зәгыйфьли шул. Тамашачы зәвыксызлыкка, урам теленә hәм мәгънәсезлекләргә инде күптән күнгән булса да, шул агымда Азат, Гөлсирин hәм Рәмис кебек саф, ихлас, зәвыклы талантларны шунда ук күреп ала, таный hәм яратып кала. Нәкъ менә шундый авыр да, мактаулы да эшне үз өстенә алганы өчен Р.Ваhапов фонды җитәкчесе Рифат Фәттаховка без атлаган саен рәхмәтебезне әйтик, зурлыйк. Азат Абитовның концертында да сән¬гатьтән, җырдан ерак торалар дип саналган Шыгырдан авылы җәмәгатьчелеге үзләрендәге беренче яшь җырчыга, зур сәхнәгә күтәрелү мөмкинчелеге тудырганы өчен, Рифат әфәндегә кат-кат рәхмәт җиткереп кенә калмыйча, аңа Чувашия Диния нәзарәтенең якташлары Фәтхи Бурнаш исемендәге бүләк тапшырулары өчен дә без - залдагылар шатланып утырдык.

Чыннан да, гомер бакый дөнья куу белән артыграк мавыккан ике меңгә якын йортлы hәм җиде мәчетле Шыгырданда төрле өлкәдә зур уңышларга ирешеп танылган шәхесләр шактый күп булса да, җырчылар юк иде әле. Хис-кичерешләрне ераграк яшерергә күнеккән мишәр кавеменә сәхнәгә менеп җырлау ир-ат өчен мактаулы эш саналмаудандыр инде ул. Заманга ияреп сәхнәгә менүчеләре Азатка кадәр дә булгандыр бәлки. Ләкин бу эшкә төптән җигелеп, үҗәтләнеп, бөтен җаны-тәне белән бирелеп тотынган hәм Венера Ганиева кебек укытучыга, Рифат Фәттахов кебек продюсерга тарыганнары булмагандыр, күрәсең. Аннары, ничек кенә булмасын, Шыгырданда да сәнгатькә гашыйк гаиләләр бар. Әнә бит Азатның да әтисе - Чуашстанның атказанган мәдәният хезмәткәре, ә әнисе мәктәптә баян классын алып бара. Шулай да татарча яшәү рәвешен үз иткән әнисенең өлеше зур булгандыр Азатның сәхнәгә тартылуына. Тик торганнан гына егет әнисенә багышланган моңлы чуаш җырын башкарганда еламагандыр.

Ихласлыгыңны, самимилегеңне югалтма, осталыгыңны hәрдаим арттыр, заманага ияреп кырысланма hәм безне дә кырысланудан, күңел тупаслануыннан сакла, дип телисем килә минем Азат Абитовның концертын яратып караганнан соң.

matbugat.ru

Нравится
Поделиться:
Реклама
Комментарии (0)
Реклама
  • 23 октября 2017 - 14:24
    Защити себя!
  • Тормышыгызда нәрсәләрне үзгәртер идегез?
    Проголосовало 5 человек
  • Мин авылны сайлыйм!
  • «Ашыгырга ярамый, без бит балаларны йөртәбез!»
  • Яшел Үзәндә төрле милләт балалары татар телендә шигырьләр укыды
  • «Дуслар чабышы» Маяк спорт комплексында узды
  • Бакырчыда Мәүлид бәйрәме
  • Яшел Үзән пассажир автотранспорт предприятиясендә ничек бәйрәм иттеләр?
  • Авыр атлетлар кабат Яшел Үзәндә
  • Бакырчыда каз өмәсе
  • Яшел Үзән полициясе бәйрәм итте (ФОТОРЕПОРТАЖ)
  • Газовикларның риск зонасына васильеволылар да эләгә
  • 23 апреля 2018 - 11:06
    Яшел Үзән балалары сынатмый
    Узган җомгада “Пирамида” мәдәни-күңел ачу комплексында “Созвездие-Йолдызлык” ачык республика телевизион яшьләр фестиваленең гала-концерты узды.
    40
    0
    0
  • 20 марта 2018 - 15:31
    Игътибар! Түбән Урысбага авыл җирлегенә сәркатип кирәк.
  • 1 ноября 2017 - 10:53
    БЕЗ СЕЗНЕ КӨТӘБЕЗ! Белдерүләрегезне 5-67-02 телефоны аша яки Гоголь ур, 23а йортына килеп калдыра аласыз.
  • 20 апреля 2018 - 12:52
    «Кичер мине, әнкәй!»: елатты да, көлдерде дә «Кичер мине, әнкәй!» – язучы Рабит Батулла әсәре буенча куелган спектакльнең исеме үк, ана белән бала арасында нәрсәдер булганын аңлата шикелле.
    268
    0
    1
  • 21 апреля 2018 - 08:11
    Җыеннар кайтавазы: НОРЛАТ Без, «Яшел Үзән» журналистлары, быел авыл җирлекләрендә узган халык җыеннарының барысын да газетабыз битләрендә яктыртып барырга тырыштык.
    155
    0
    0
  • 21 апреля 2018 - 15:11
    Куренекле актрисанын йорэге туктады... 83 яшендэ совет халкынын ин яраткан актрисасы вафат булды.
    145
    0
    0
  • 22 апреля 2018 - 09:59
    Тәрбия нигезе – иман Вакыт-вакыт берәр чара, бәйрәм уздырып, дер селкетеп алмасалар, Бакырчы буламыни соң инде ул?! Шунысы да мактауга лаеклы Бакырчы халкы үз казанында үзе генә кайнамыйча, тирә-як авылларда яшәүчеләрне дә җәлеп итә белә.
    103
    0
    2
  • 20 апреля 2018 - 11:26
    Чернобльчеләрне искә алып 26 апрельдә Черноболь атом электростанциясендә булган һәлакәт нәтиҗәләрен бетерүдә катнашкан якташларыбызны искә алачакбыз.
    96
    0
    0
  • 21 апреля 2018 - 17:45
    Халык каршы Инде хәбәр иткәнебезчә, узган шимбәдә Осиново бистәсендә «АГК- 1» компаниясе вәкилләре халык белән очрашты.
    89
    0
    0
  • 21 апреля 2018 - 12:04
    Иремнең беренче хатыныннан туган балалары бар. Ул үлгән очракта алар милеккә өмет итә аламы? – РФ Гражданлык кодексының 1142 маддәсе 1 пунктында, варислыкка закон буенча иң беренче чиратта балалар, хатын яки ир һәм әти-әни тора.
    85
    0
    0
  • 20 апреля 2018 - 14:01
    Интернет корбаннары ишәя Яшел Үзән эчке эшләр бүлегенә Интернет-ялган корбаны булган ике кеше мөрәҗәгать итә.
    84
    0
    0
Ночной режим