Яшел Үзән

«ARTIS» премиясе җиңүчеләре кем ул?

Яшел Үзәннең яшь нәфис сүз осталары Санкт-Петербургны яулап, иң яхшылар дип танылды. Алар шушы көннәрдә бәйгедә катнашып, туган якларына җиңү белән кайтты.

«ARTIS» премиясе ул  – сәнгатьнең төрле юнәлешендә югары уңышлары өчен сәләтле балаларга һәм яшүсмерләргә, шулай ук аларны укыткан, иҗат үсешенә зур өлеш керткән укытучыларына бирелә торган дәрәҗәле халыкара премия. «ARTIS-2017» премиясе бәйгесендә илебезнең 107 шәһәреннән 1750дән артык номинант катнаш­ты. Шәһәребез данын Яшел Үзән музыка театрының иң талантлы балалары – Азалия Хаҗиева һәм Даниил Миронов яклады.


Безнең номинантлар «Лицедеи» театр сәхнәсендә профессиональ жюри алдында бернинди куркусыз, үзләрен иркен тотып, лаеклы чыгыш ясады. Жюри составында Марк Богатырев (театр һәм кино актеры, А.П.Чехов исемендәге театр актеры), Михаил Смирнов (РФ атказанган артисты, «Кривое зеркало» театры режиссеры) һәм башка күренекле шәхесләр дә бар иде. Бәйгенең тантаналы өлеше Санкт-Петербург Мюзик-Холлында Россия эстрадасы йолдызлары катнашында узды. «2016-2017 елның иң яхшы актеры һәм укучысы» театраль иҗат номинациясендә төп премия Азалия Хаҗиевага тапшырылды.

Азалия әле 6 яшендә генә булса да, тамашачыны бер карашта үзенә гашыйк итте. Орчык кадәрле генә кыз алты минуттан артык чыгышын искиткеч зур осталык белән башкарып чыкты. «ARTIS» премия­се номинанты дипломы Даниил Мироновка бирелде. Ә театраль иҗат буенча «2016-2017 ел сезонының иң яхшы педагогы» итеп Евгения Новицкая танылды. Экспертлар советы катнашучыларның аеруча актерлык осталыгының, башкару техникасының югары һәм Яшел Үзән укучыларының таланты чиксез булуын билгеләп узды. Музыка театры директоры Елена Антонова, театраль студия җитәкчесе Евгения Новицкая Рәхмәт хатлары белән бүләкләнде.
Яшел Үзәннең сәләтле балалары, һәрвакыттагыча, кайда гына барса да, нинди генә бәйге-конкурсларда катнашса да, җиңү белән кайта. Афәрин, котлыйбыз!

Нравится
Поделиться:
Реклама
Комментарии (0)
Реклама
  • 23 октябрь 2017 - 14:24
    Защити себя!
  • Тормышыгызда нәрсәләрне үзгәртер идегез?
    4 кеше тавыш бирде
  • Мин авылны сайлыйм!
  • «Ашыгырга ярамый, без бит балаларны йөртәбез!»
  • Яшел Үзәндә төрле милләт балалары татар телендә шигырьләр укыды
  • «Дуслар чабышы» Маяк спорт комплексында узды
  • Бакырчыда Мәүлид бәйрәме
  • Яшел Үзән пассажир автотранспорт предприятиясендә ничек бәйрәм иттеләр?
  • Авыр атлетлар кабат Яшел Үзәндә
  • Бакырчыда каз өмәсе
  • Яшел Үзән полициясе бәйрәм итте (ФОТОРЕПОРТАЖ)
  • Газовикларның риск зонасына васильеволылар да эләгә
  • 19 апрель 2018 - 13:52
    Сабан туе көннәре билгеле булды
    Быел, халыкның иң яраткан һәм бүгенге көнгә килеп җиткән иң борынгы йола-бәйрәмнәренең берсе булган Сабантуй, Рамазан ае тәмамлангач булачак.
    499
    0
    1
  • 20 март 2018 - 15:31
    Игътибар! Түбән Урысбага авыл җирлегенә сәркатип кирәк.
  • 1 ноябрь 2017 - 10:53
    БЕЗ СЕЗНЕ КӨТӘБЕЗ! Белдерүләрегезне 5-67-02 телефоны аша яки Гоголь ур, 23а йортына килеп калдыра аласыз.
Ночной режим