Яшел Үзән

Арслан – затлылык билгесе ул

Арсланга исемне әтисе кушкан. Улының затлы нәселдән булуын белдереп торсын өчен шулай кушкандыр, мөгаен ул. «Арслан - Идел-Кама болгарларында, татарларда, башкортларда һәм башка төрки халыкларда борын-борыннан ир балаларга кушылып килгән исем,- дип яза бу хакта тел белгече Гомәр Саттаров «Татар исемнәре сүзлеге» китабында. - Җанварлар патшасы арыслан көч һәм елгырлык,...

Арсланга исемне әтисе кушкан. Улының затлы нәселдән булуын белдереп торсын өчен шулай кушкандыр, мөгаен ул. «Арслан - Идел-Кама болгарларында, татарларда, башкортларда һәм башка төрки халыкларда борын-борыннан ир балаларга кушылып килгән исем,- дип яза бу хакта тел белгече Гомәр Саттаров «Татар исемнәре сүзлеге» китабында. - Җанварлар патшасы арыслан көч һәм елгырлык, затлылык символы булып саналган».
Бүтән чыганаклардан мәгълүм булганча, Арслан - максатчан һәм хезмәт сөючән. Әтисе исемне белеп кушкан, чөнки Олы Карагуҗа урта мәктәбенең Х сыйныф укучысы Арслан Зариповта югарыда аталган бөтен күркәм сыйфатлар тупланган.
Яшь булуына карамастан, Арслан - күпкырлы шәхес. Мәктәптә бары тик «4» һәм «5» билгеләренә генә укуын әйтеп тә тормыйм. Рус һәм татар телләре буенча төрле дәрәҗәдәге олимпиадаларда югары нәтиҗә күрсәтә. Җәмәгать эшләрендә бик актив. Узган уку елында, районда үткәрелгән «Татар егете - ил бөркете» бәйгесендә, тәүге мәртәбә катнашып, «Буыннар чылбырын саклаучы» номинациясендә җиңеп чыккан. Әнисе белән берлектә гаилә шәҗәрәсен төзегән ул.
- Мин данлыклы Зарифлар нәселенең җиденче буыны, - дип яза ул «Гаиләм язмышы - илем язмышы» республика иншалар бәйгесендә катнашып. - Безнең нәсел - бик борынгы нәсел. Миңа билгеле булган Әләп бабам XVIII гасыр азагында яшәгән. Атаклы балта осталары нәселенең чишмә башында нәкъ менә ул торган. Безнең төбәктә, күңел җылысын кушып, алар салган йортлар турында матур хатирәләрне әле дә саклыйлар, буыннан- буынга сөйлиләр.
Арслан җиде буын бабаларының бөтен тормыш юлын тулысынча өйрәнгән: Әләп - Мостафа - Зариф - Йосыф - Юныс - әтисе Марат һәм үзе. Туган җирен өзелеп яраткан ир-атларның һәркайсы Ватан алдындагы изге бурычын намус белән үти. Бабалары Зариф - 1нче Бөтендөнья сугышында, Йосыф 2нче Бөтендөнья сугышында катнаша. Дәү әтисе Юныс Тын океан флотында хезмәт итә, аннары укытучылыкка укып кайта. Аның өч баласы да - Земфира, Радик, Марат (Арсланның әтисе) укытучылык һөнәрен сайлый. Әмма Зариф нәселенең ир-егетләре, егет кешегә җитмеш төрле һөнәр кирәк дигән мәкальне истә тотып, балта остасы һөнәрен дә ташламый: кирәк чакта, кулга балта, пычкы алып, туган-тумачага, авылдашларына яңа йортлар, каралты-кура салырга бик теләп булыша. Марат исә, Әләп бабасыннан башланган бик күркәм эшне дәвам итеп, югары белемле профессиональ төзүче булырга, халкыбыз рәхәт яшәсен өчен, матур-матур йортлар төзергә хыяллана. Якты күңелле яшүсмер егетнең уй-хыяллары тормышка ашсын дип теләргә генә кала.
Әлифел ТАРАЗОВА

Нравится
Поделиться:
Реклама
Комментарии (0)
Реклама
  • 23 октября 2017 - 14:24
    Защити себя!
  • Тормышыгызда нәрсәләрне үзгәртер идегез?
    Проголосовало 43 человек
  • «ЯҮ» журналистлары язгы кыр эшләре барышы белән танышты!
  • Яшел Үзән – Җиңү язы һәркем күңеленә яшәү дәрте, рухи көч өсти
  • Мин авылны сайлыйм!
  • «Ашыгырга ярамый, без бит балаларны йөртәбез!»
  • Яшел Үзәндә төрле милләт балалары татар телендә шигырьләр укыды
  • «Дуслар чабышы» Маяк спорт комплексында узды
  • Бакырчыда Мәүлид бәйрәме
  • Яшел Үзән пассажир автотранспорт предприятиясендә ничек бәйрәм иттеләр?
  • Авыр атлетлар кабат Яшел Үзәндә
  • Бакырчыда каз өмәсе
  • 25 мая 2018 - 09:36
    Сатып алам: Мамык, каурый, иске, яңа мендәрләр, түшәк мамыгы. Кыйммәт. Өегезгә килеп алабыз. Тел.89370004118.
  • 8 мая 2018 - 10:44
    Сатам Авылда йорт сатам.
  • 8 мая 2018 - 10:27
    Сатам ЖБИ-кольца, брусчатка заводского производства.
Ночной режим