Татарстанда "ИТ-чемпион-2014" республика бәйгесе башланып китте

Бу турыда ТР Фән һәм мәгариф министрлыгы хәбәр итә. Бәйгене ТР Фән һәм мәгариф министрлыгы ТР Информатизация һәм элемтә министрлыгы белән берлектә оештыра. Монда укучылар гына түгел, мәктәпләр дә катнаша ала. Укучылар өчен конкурс ике этапта үткәрелә. 15 марттан шәхси кабинетлар ачыла.

"Иң актив укучы" номинациясендә җиңүче ноутбуклар белән бүләкләнә. "Иң актив мәктәпләр" исә интерактив җиһазларга һәм мобиль классларга ия булачак.

Өстәп шуны да әйтергә кирәк, конкурс кысаларында 306 ноутбук, 51 интерактив җиһаз, 3 мобиль класс белән бүләкләү каралган. 2 меңнән артык истәлекле бүләк тә ияләрен көтә.