Сезнең уңышны башкалар да күрсен

Булганнан бар да була, диләр. Ашыгыч медицина ярдәме күрсәтү станциясендә озак еллар намуслы эшләп, лаеклы ялга чыккан һәм бүгенге көндә бакча эшләреннән ямь табып яшәүче Фатыйма Хәмзина үстергән яшелчәләрне күреп, шаккаттык. «Нәрсәсенә шаккатасы, быел һәркемнең дә яшелчәсе, җиләк-җимеше ишелеп уңды бит!» диярсез. Шулаен шулай да... Тик күбебез төрле химикатлар, дару сибеп үстерәбез бит. Ә Фатыйма ханымның уңышында аның әсәре дә юк. Йөрәк җылысын, күңелен биреп, сөеп үстергәнгә шулай ул - бер-бер помидоры 900әр грамм булган.