Яшел Үзәндә бурычлылар өчен пеня алына
- Торак-коммуналь хезмәтләр өчен түләмәгән очракта пеня ала башлыйлар икән дип ишеттек. Бу законлымы? Гүзәлия Фәритова.
- Бүгенге көндә яшел үзәнлеләрнең ТКХ хезмәтләре өчен 244,6 млн сум бурычы бар. Халык вакытында түләп барырга тырышса да, бурычлылар саны кимеми, арта. Андыйларның санын киметү йөзеннән, агымдагы елның 1 мартыннан бердәм хисап квитанцияләренә «пеня» графасын керттек. Игътибарыгызга шуны җиткерәм: пеня квитанцияне ай ахырына кадәр түләмәүчеләргә генә исәпләнә һәм бу законлы. Март аенда район буенча барлыгы 1,6 млн сум пеня исәпләнде, - ди ТКХ департаменты җитәкчесе Олег Анисимов.
Следите за самым важным и интересным в Telegram-каналеТатмедиа
Нет комментариев