Яшел Үзән урамнарында эвакуатор эшләде

Яшел Үзән урамнарын тиешсез урында куелган машиналар "күмеп бара". Алар янгын сүндерү яки ашыгыч ярдәм машиналары өчен төрле уңайсызлыклар тудыра. Бу хәлгә чик куярга теләгән Яшел Үзән ЮХИДИ хезмәткәрләре якшәмбе көнне аларга чын мәгънәсендә "ау" оештырды. Якшәмбе көнне тиешсез урынга куелган яки калдырып кителгән 10 машина эвакуаторлар ярдәмендә түләүле автостоянкага алып барып куелды. Бу юнәлештә тиешле эш алга таба да дәвам итәчәк, дип белдерде ЯҮМР башлыгы Александр Тыгин җитәкчеләрнең эшлекле киңәшмәсендә.