Яшел Үзән төбәге тарихи уйландыра
Бишбатман Зөя ярларында урыс аулы, Аталышы нурлы - Бишбатман! Бу исемдә шанлы чорлар өне Еллар иңрәве мең катлам. Кимсетелгән тарих эзе яши Төрки йортның һәрбер чатында. Мөэминнәрнең бакый өе калган Бишбатманның чиркәү астында. Кичерегез безне, бабакайлар, Рухыгызны борчый ят аваз... Татар атлы урыс авыллары - Үксез үткәннәрдән кайтаваз. Нишләп икән...
Бишбатман
Зөя ярларында урыс аулы,
Аталышы нурлы - Бишбатман!
Бу исемдә шанлы чорлар өне
Еллар иңрәве мең катлам.
Кимсетелгән тарих эзе яши
Төрки йортның һәрбер чатында.
Мөэминнәрнең бакый өе калган
Бишбатманның чиркәү астында.
Кичерегез безне, бабакайлар,
Рухыгызны борчый ят аваз...
Татар атлы урыс авыллары -
Үксез үткәннәрдән кайтаваз.
Нишләп икән шундый кадерсезлек,
Каберсезлек безгә тиң-таман?!
... Зөя-суга яшен түгә-түгә
Һаман җавап көтә Бишбатман.
Илдар Кыямов.
Казан
Следите за самым важным и интересным в Telegram-каналеТатмедиа
Нет комментариев