Яшел Үзән районында язгы чәчүгә әзерләнү өчен акча җитеп бетми

Татарстанда чәчү техникасының 90 проценты язгы чәчүгә әзер. Шулай булуга карамастан, Яшел Үзән, Чирмешән, Кама Тамагы, Югары Ослан, Арча районнарында тракторларны, чәчү комплексларын ремонтлауга запас частьлар өчен акча таба алмыйлар. Бу турыда ТР Авыл хуҗалыгы министрлыгының инженер-техник тәэминат бүлеге җитәкчесе Рафыйкъ Шәкүрев җиткерде.

Аның сүзләренә караганда, бүгенге көндә 86 процент трактор, 95 - чәчкеч, 77 чәчү комплексы, 95 культиватор ремонтлап әзерләп куелган, бу узган елгы күрсәткечләрдән ким түгел. Гомумән алганда, язгы чәчүгә әзерлек 90 процент, дип хәбәр итә Р.Шәкүрев.