Яшел Үзән ПОЗиСына көндәш табылган

Кытайның көнкүреш техникасын җитештерүче "Хайер Рус" компаниясе Чаллыда яңа производствога 50 миллион доллар инвестицияләп, көнгә берәр мең суыткыч эшләп чыгарырга планлаштыра. Кытайлылар белән ТР Инвестиция агентлыгы арасында шундый килешүгә кул куелган инде. Татарстанда производство күләме шуның кадәр үк булган бер предприятие уңышлы гына эшләп тора югыйсә, ул - Яшел Үзәннең Серго исемендәге производство берләшмәсе. Татарстанга кытайлылар килүе 4 мең ярым кеше эшләүче ПОЗиСның тынычлыгын югалта,әлбәттә.